இந்திய விண்வெளி ஆய்வு மையத்தின் முன்னாள் தலைவர் திரு.சதீஷ் தவான் அவர்கள் பிறந்ததினம்!.

 சதீஷ் தவான்  (செப்டம்பர் 25, 1920 –ஜனவரி 3, 2002) ஒரு இந்திய ராக்கெட் ஆராய்ச்சியாளர் ஆவார்
கணிதவியலாளர் மற்றும் விண்வெளி பொறியாளர் , இந்தியாவில் சோதனை 'திரவ இயக்கவியல் ஆராய்ச்சியின் தந்தை' என்று பரவலாகக் கருதப்படுகிறார் .ஸ்ரீநகரில் பிறந்த தவான், இந்தியாவிலும், அமெரிக்காவிலும் கல்வி பயின்றவர். 

 இந்திய விண்வெளித் திட்டத்தின் வெற்றிகரமான மற்றும் உள்நாட்டு வளர்ச்சிக்கு வழிவகுத்த தவான், கொந்தளிப்பு மற்றும் எல்லை அடுக்குகள் துறையில் மிகச் சிறந்த ஆராய்ச்சியாளர்களில் ஒருவர். 1972 ஆம் ஆண்டு இந்திய விண்வெளி ஆராய்ச்சி மையத்தின் (இஸ்ரோ) மூன்றாவது தலைவர் எம்.ஜி.கே மேனனுக்குப்பிறகு அவர் பதவியேற்றார் . இஸ்ரோவின் இரண்டாவது ஏவுதளமான சதீஷ் தவான் விண்வெளி மையத்திற்கு அவர் பெயரிடப்பட்டது. ஏபிஜே அப்துல் கலாமின் பின்னால் இருந்தவர் என்று அவர் பெரிதும் கருதப்படுகிறார் .

தனது எழுச்சிமிக்க பாடல்களால் மக்களிடம் தேசிய உணர்வை ஊட்டிய திரு.உடுமலை நாராயணகவி அவர்கள் பிறந்ததினம்!.

 பழம்பெரும் திரைப்பட பாடல் ஆசிரியரும், தனது எழுச்சிமிக்க பாடல்களால் மக்களிடம் தேசிய உணர்வை ஊட்டியவருமான உடுமலை நாராயணகவி 1899ஆம் ஆண்டு செப்டம்பர் 25 ஆம் தேதி கோயம்புத்தூர் மாவட்டம் உடுமலைப்பேட்டையை அடுத்த பூவிளைவாடி என்ற கிராமத்தில் பிறந்தார்.

 இவர் புரவியாட்டம், சிக்குமேளம், தப்பாட்டம், உடுக்கடிப்பாட்டு, ஒயில் கும்மி போன்ற கிராமியக் கலைகளை ஆர்வத்துடன் கற்றார். விடுதலைப் போராட்டம் தீவிரமாக இருந்த காலக்கட்டம் அது. தேசிய உணர்வுமிக்க பாடல்களை எழுதி, மேடைதோறும் முழங்கச் செய்தார்.

 இவர் சமுதாய சீர்திருத்தக் கருத்துகள் நிறைந்த பாடல்களை எழுதினார். இவர் முன்னணி பாடல் ஆசிரியராகத் திகழ்ந்தவர். கவிராயர் என்று அன்போடும் மரியாதையோடும் அழைக்கப்பட்டார்.

 சங்கீத நாடக சங்கம் 1967-ல் இவரை சிறந்த பாடல் ஆசிரியராகத் தேர்ந்தெடுத்தது. இவர் திரையுலகில் தனக்கென்று தனி இடத்தைப் பெற்றவர். பல்லாயிரக்கணக்கான பாடல்களை எழுதியுள்ளார்.

 கவிஞர், நாடக ஆசிரியர், நடிகர், சீர்திருத்தவாதி எனப் பன்முகப் பரிமாணம் கொண்ட உடுமலை நாராயணகவி 82-வது வயதில் 1981, மே 23 ஆம் தேதி அன்று மறைந்தார். இவரது நினைவாக 2008-ல் அஞ்சல்தலை வெளியிடப்பட்டது. இவர் பிறந்த ஊரில் மணிமண்டபம் அமைக்கப்பட்டுள்ளது.