சிறந்த குழந்தை நட்சத்திரம் பிரிவில் தேசிய விருதை வென்ற 4 வயது சிறுமிக்கு நடிகர் கமல்ஹாசன் வாழ்த்து.!!
actor kamalhaasan wishes to 4 years old girl for win national award
நாட்டிலேயே சிறந்த திரைப்படங்கள், சிறந்த நடிகர்கள், நடிகைகள், சிறந்த திரைப்பட இயக்குனர், சிறந்த ஒளிப்பதிவு, சிறந்த ஒலி வடிவமைப்பு, சிறந்த பின்னணி இசை போன்ற பல துறைகளுக்கும் கடந்த 1954-ம் ஆண்டு முதல் தேசிய விருதுகள் வழங்கப்படுகின்றன.
இந்த நிலையில், கடந்த 2023-ம் ஆண்டிற்கான 71-வது தேசிய திரைப்பட விருதுகள் வழங்கும் விழா கடந்த 23 ஆம் தேதி நடைபெற்றது. அப்போது, குடியரசுத்தலைவர் திரவுபதி முர்மு தேசிய விருது வென்ற கலைஞர்களுக்கு விருதுகளை வழங்கினார்.
இந்தத் திரைப்பட விருதில் சிறந்த குழந்தை நட்சத்திரம் பிரிவில் Naal 2 என்ற மராத்திய படத்தில் நடித்த 4 வயது குழந்தை Treesha-க்கு விருது வழங்கப்பட்டது. அவருக்கு நடிகரும் எம்.பி.யுமான கமல்ஹாசன் வாழ்த்து தெரிவித்துள்ளார்.
இது குறித்து அவர் வெளியிட்டுள்ள எக்ஸ் பதிவில் தெரிவிக்கப்பட்டுள்ளதாவது:- "நான் என் 6 வயதில் தான் என் முதல் விருதை வென்றேன்; அந்த சாதனையை முறியடித்ததற்காக Treesha Thosar-க்கு, என் மனம் நிறைந்த பாராட்டுகள்;
நீங்கள் இன்னும் பல தூரம் செல்ல வேண்டும் மேடம். உங்கள் அபார திறமையை வளர்த்துக்கொள்ள தொடர்ந்து பாடுபடுங்கள்: உங்கள் வீட்டில் உள்ள பெரியவர்களுக்கும் எனது பாராட்டுகள்" என்று தெரிவித்துள்ளார்.
English Summary
actor kamalhaasan wishes to 4 years old girl for win national award