கடந்த செப்டம்பர் 2ம் தேதி சூரியனை ஆய்வு செய்வதற்காக இந்திய விண்வெளி ஆராய்ச்சி நிறுவனமான இஸ்ரோ ஆதித்யா L-1 விண்கலத்தை பி.எஸ்.எல்.சி. சி-57 ராக்கெட் மூலம் விண்ணில் ஏவியது. இந்த விண்கலம் ராக்கெட் புறப்பட்ட 1 மணி நேரம் 3 நிமிடத்திலேயே வெற்றிகரமாக பிரிந்து சூரியன் நோக்கி தனது வெற்றிப் பயணத்தை தொடர்ந்தது.

புவிவட்ட பாதையில் தனது பயணத்தை தொடங்கிய விண்கலத்தின் உயரம் படிப்படியாக 4 முறை அதிகரிக்கப்பட்டது. இந்த நிலையில் விண்கலம் பூமியில் இருந்து 9.2 லட்சம் கி.மீ தொலைவுக்கு அப்பால் பயணித்து, பூமியின் தாக்கக் கோள மண்டலத்தில் இருந்து வெற்றிகரமாக வெளியேறியுள்ளதாக இஸ்ரோ அறிவித்துள்ளது. சூரியனுக்கும் பூமிக்கும் இடையிலான லாக்ரேஞ்ச் புள்ளி 1 (L1) நோக்கி அதன் பாதையில் ஆதித்யா L-1 தற்போது சென்று கொண்டிருக்கிறது.

Aditya-L1 Mission:

🔸The spacecraft has travelled beyond a distance of 9.2 lakh kilometres from Earth, successfully escaping the sphere of Earth's influence. It is now navigating its path towards the Sun-Earth Lagrange Point 1 (L1).

🔸This is the second time in succession that…

— ISRO (@isro) September 30, 2023

இஸ்ரோ பூமியின் தாக்க கோள மண்டலத்திற்கு வெளியே ஒரு விண்கலத்தை அனுப்புவது தொடர்ச்சியாக இரண்டாவது முறை வெற்றியாளராக அனுப்பியுள்ளது. இதற்கு முன்பு முதல் முறையாக செவ்வாய் கிரகத்திற்கு விண்கலத்தை அனுப்பி உள்ளது என்பது குறிப்பிடத்தக்கது.