2024-ஆம் ஆண்டிற்கான உலக விமானப் போக்குவரத்து புள்ளி விவரங்களின் சமீபத்திய அறிக்கையை, 350 விமான நிறுவனங்களை பிரதிநிதித்துவப்படுத்தும்  ஐஏடிஏ எனப்படும் சர்வதேச விமான நிலைய போக்குவரத்து அமைப்பு இன்று வெளியிட்டுள்ளது.

அதன்படி, உலகின் 05-வது பெரிய விமான போக்குவரத்து சந்தையாக இந்தியா உயர்ந்துள்ளதாக ஐஏடிஏ அறிக்கையில் தெரிவிக்கப்பட்டுள்ளது. அதில், மும்பை-டில்லி விமானச் சேவை 2024-இல் உலகின் மிகவும் பரபரப்பான விமான நிலைய வழித்தடமாக இடம்பிடித்துள்ளது. அத்துடன், கடந்த ஆண்டு இந்தியா 21 கோடியே 10 லட்சம் விமானப் பயணிகளைக் கண்டுள்ளதாக தெரிவிக்கப்பட்டுள்ளது.

இது 2023 உடன் ஒப்பிடும்போது 11.1 சதவீத வளர்ச்சியுடன் 20 கோடியே 10 லட்சம் பயணிகளைக் கையாண்ட ஜப்பானை முந்தி உள்ளது. மேலும், உள்நாட்டு சந்தையின் வலிமையின் அடிப்படையில், 2024-ஆம் ஆண்டில் 87 கோடியே 06 லட்சம் பயணிகளுடன் உலகின் மிகப்பெரிய விமானச் சந்தையாக அமெரிக்கா உள்ள நிலையில், இது ஆண்டுக்கு ஆண்டு 5.2 சதவீதம் வளர்ச்சியடைகிறது.

அடுத்ததாக, சீனா 74 கோடியே 10 லட்சம் பயணிகளுடன் இரண்டாவது பெரிய பயணிகள் சந்தையாக இருந்தது. இது 2023 உடன் ஒப்பிடும்போது 18.7 சதவீதம் வளர்ச்சியாகும். மூன்றாவது இடத்தில் 26 கோடி 10 லட்சம் பயணிகள் கண்டு இங்கிலாந்து உள்ளது.  04-வது இடத்தில் ஸ்பெயின் 24 கோடியே 10லட்சம் பயணிகளை கண்டுள்ளது. முதல் 10 விமான நிலைய வழித்தடங்களில், மும்பை-டில்லி 2024-இல் 59 லட்சம் பயணிகளைக் கொண்டு 07-வது பரபரப்பான விமான நிலைய வழித்தடமாக இருந்ததாக  ஐஏடிஏ அறிக்கையில் கூறப்பட்டுள்ளது.