தெலுங்கானா மாநிலம் மெட்சல் மாவட்டம், போச்சாரம் அன்னோஜிகுடா, ராஜூ குரு கல்பா காலனிவாசிப்பவர் மனோகர் (வயது 25), தனியார் போக்குவரத்து நிறுவனத்தில் மேற்பார்வையாளராக பணியாற்றியவர்.

அவரது குடும்பத்தில் எய்ட்ஸ் நோய் இருந்த நிலையில், கடந்த சில ஆண்டுகளுக்கு முன்பு தந்தை உயிரிழந்தார்.மனோகர் கடந்த சில ஆண்டுகளாக அதே பகுதியில் வசிக்கும் இளம்பெண்ணை காதலித்து வந்தார். கடந்த ஆண்டு இருவருக்கும் திருமண நிச்சயதார்த்தம் நடந்தது.

ஆனால் மனோகருக்கு எய்ட்ஸ் இருப்பது தெரிந்ததும், இளம்பெண்ணின் பெற்றோர் திருமணத்தை நிறுத்தினர். பரிசோதனை மூலம் நோய் உறுதி செய்யப்பட்டது. இதன்படி, இளம்பெண்ணும் மனோகரைத் தொடர்பு கொள்ள மறுத்தார்.

இதனால் மனோகர் கோபமடைந்து, காதலி வேறு யாருக்கும் கிடைக்கக்கூடாது என்று எண்ணினார். அவர், எய்ட்ஸ் நோய் இருப்பதால் யாரும் திருமணம் செய்ய மாட்டார்கள் என நினைத்து, தன்னை திருமணம் செய்ய வலியுறுத்தினார். இளம்பெண்ணும் எதிர்ப்பு தெரிவித்த போது, மனோகர் ஆத்திரத்தில் மாறினார்.

கடந்த 11-ந்தேதி, மனோகர் மருந்துக்கடையில் ஊசியை வாங்கி, தன்னுடைய ரத்தத்தை ஊசியில் ஏற்றினார். பிறகு யாரும் இல்லாத காதலியின் வீட்டிற்கு சென்று, வலுக்கட்டாயமாக திருமணம் செய்ய வலியுறுத்தினார்.

இளம்பெண் மறுப்பு தெரிவித்ததால், மனோகர் ஊசியை வலுக்கட்டாயமாக செலுத்தி தப்பிச் சென்றார்.அடுத்த நாள் காலை, காதலிக்கு காய்ச்சல் ஏற்பட்டது. பெற்றோர் அவரை மருத்துவமனையில் அனுப்பினர்.

பரிசோதனையில் ஊசி செலுத்திய இடத்தில் கருப்பு புள்ளி கண்டுபிடிக்கப்பட்டது. விசாரணையில் மனோகர் தான் ஊசி செலுத்தியதாக ஒப்புக்கொண்டார். இதனையடுத்து, பெற்றோர் காவலில் புகார் செய்தனர்.

காவலர்கள் வழக்கை பதிவு செய்து மனோகரை கைது செய்து சிறையில் அடைத்தனர்.திருமணம் செய்ய மறுத்த காதலிக்கு எய்ட்ஸ் ஊசி செலுத்திய இந்த சம்பவம் அந்த பகுதியை அதிர்ச்சியடையச் செய்தது, சமூகத்தில் பெரும் பதட்டத்தை ஏற்படுத்தியுள்ளது.