புதியதாக வளர்ந்து வரும் "வா வரலாம் வா" திரைப்படத்திற்காக, இசையமைப்பாளர் தேவா இசையில் உருவாக்கப்பட்ட பாடல்கள் படக்குழுவினருக்கு மிகப்பெரிய அளவில் உற்சாகத்தைக் கொடுத்திருக்கிறது என்கிறார் அப்படத்தின் இயக்குனர்களில் ஒருவரும், தயாரிப்பாளருமான எஸ்.பி.ஆர். 

எஸ்.ஜி.எஸ். கிரியேட்டிவ் மீடியா எஸ்.பி.ஆர். தயாரிக்க, எல்.ஜி.ரவிசந்தர் - எஸ்.பி.ஆர். இணைந்து இயக்கும் இந்தப் படத்தில், சந்தோஷ் பிரதாப், கிங்ஸ்லீ, மைம் கோபி, பவ்யா, காயத்ரி, சிங்கம்புலி, சரவணன் சுப்பையா, தீபா, வையாபுரி, பயில்வான் ரங்கநாதன், மீசை ராஜேந்திரநாத், திலீபன், ரஞ்சன், கிரேன் மனோகர், போண்டா மணி, பிரபாகரன், ராமசாமி, வாசு விக்ரம் என பல முன்னணி நடிகர்கள் நடிக்கின்றனர். 

இப்படத்திற்கு தேவா இசையமைக்க, பாடல்களை காதல் மதி, கானா எட்வின்  எழுதியுள்ளனர். பாடல்கள் ஒலிப்பதிவு முடிந்த நிலையில், பாடல்களை கேட்ட படக்குழுவிற்கு கூடுதல் உற்சாகம் கிடைத்துள்ளதாக எஸ்.பி.ஆர். தெரிவித்திருக்கிறார். 

Image : Director SBR 

மேலும் அவர் கூறுகையில், "கானா பாடல், காதல் பாடல், குழந்தைகளுக்கான நகைச்சுவை பாடல் என ஒவ்வொரு விதமாக, நான்கு பாடல்கள் இப்படத்தில் இடம்பெற்றுள்ளது எனவும், இப்படத்தில் வரும் கானா பாடல் ரசிகர்கள் அதிகம் கொண்டாடும் பாடலாக இருக்கும்" எனவும் தெரிவித்திருக்கிறார். 

கார்த்திக் ராஜா ஒளிப்பதிவு செய்ய, தேசிய விருது பெற்ற ராஜா முகமது படத்தொகுப்பை கவனிக்கிறார். படத்தின் படப்பிடிப்பு சென்னை, செங்கல்பட்டு, மதுராந்தகம், மேல்மருவத்தூர், வேடவாக்கம், வேடந்தாங்கல் போன்ற இடங்களில் ஒரே கட்ட படப்பிடிப்பாக விரைவில் தொடங்க உள்ளது.