பாலிவுட் திரைத்துறையிலிருந்து தென்னிந்திய சினிமா உலகிற்குள் கால் பதித்தவர் நிதி அகர்வால். தனது முதல் தெலுங்கு திரைப்படத்திலேயே நாக சைதன்யாவுடன் இணைந்து நடித்த அவர், அடுத்தடுத்த படங்களில் தன்னுடைய திறமையையும் கவர்ச்சியையும் வெளிப்படுத்தி ரசிகர்களின் கவனத்தை ஈர்த்தார்.

குறிப்பாக ராம் பொதினேனி நடித்த “இஸ்மார்ட் சங்கர்” திரைப்படம் அவருக்கு பெரும் புகழையும் வெற்றியையும் பெற்றுத்தந்த முக்கியமான படைப்பாக அமைந்தது.தமிழிலும் தனது தடத்தை பதித்த அவர், “ஈஸ்வரன்”, “பூமி” போன்ற படங்களில் நடித்ததன் மூலம் ரசிகர்கள் மத்தியில் தனி இடத்தை உருவாக்கிக் கொண்டார்.

நடிப்புத் திறமைக்கு இணையாக, கவர்ச்சியான தோற்றத்தாலும் ரசிகர்களை ஈர்த்த அவர், தற்போது பான்-இந்தியா அளவிலான படங்களில் அதிக கவனம் செலுத்தி வருகிறார்.இந்நிலையில், சமீபத்தில் அளித்த ஒரு பேட்டியில் தனது வாழ்க்கை முறையைப் பற்றிய சுவாரஸ்யமான தகவல்களை பகிர்ந்துள்ளார்.

மாதந்தோறும் பயணம், தங்கும் வசதி, உணவுக் கட்டுப்பாடு, உடற்பயிற்சி மையம், தனிப்பட்ட பயிற்சியாளர், அழகு பராமரிப்பு போன்ற செலவுகள் மட்டும் சேர்த்து சுமார் 5 லட்சம் ரூபாய் வரை ஆகும் என தெரிவித்துள்ளார்.

மேலும், ஒரு நிகழ்ச்சியில் பங்கேற்க வேண்டிய சூழலில் மேக்கப், ஆடை அலங்காரம், தலைமுடி வடிவமைப்பு, புகைப்படம் உள்ளிட்ட செலவுகள் மட்டும் சுமார் 1 லட்சம் ரூபாய் வரை உயரக்கூடும் என்றும், சில நேரங்களில் நிகழ்ச்சி ஏற்பாட்டாளர்கள் இந்தச் செலவுகளை ஏற்றுக்கொண்டாலும், பல வேளைகளில் தானே அதைச் சமாளிக்க வேண்டியிருக்கும் என்றும் அவர் தெரிவித்துள்ளார்.

இந்த தகவல்கள், திரைத்துறையில் வெளிப்படும் பிரகாசமான வாழ்க்கையின் பின்னால் இருக்கும் ஆடம்பரச் செலவுகளின் பரிமாணத்தை வெளிச்சமிட்டுக் காட்டுகின்றன.