தங்கத்தின் விலை கடந்த சில நாட்களாக ஏற்ற இறக்கத்துடன் காணப்பட்ட நிலையில், இன்று மீண்டும் விலை உயர்ந்துள்ளது. சென்னையில் ஆபரணத் தங்கத்தின் விலை ஒரே நாளில் சவரனுக்கு ரூ.960 அதிகரித்து, ரூ.1,14,880-க்கு விற்பனை செய்யப்படுகிறது. தொடர்ந்து தங்கம் விலை உயர்ந்து வருவது நகை வாங்குவோர் மத்தியில் கவனத்தை ஏற்படுத்தியுள்ளது.

சமீப நாட்களில் தங்கத்தின் விலை சரிவை சந்தித்தது. நேற்று முன்தினம் சவரனுக்கு ரூ.1,800 குறைந்து, ஒரு சவரன் ரூ.1,11,600-க்கு விற்பனையானது.

ஆனால், இந்த விலை சரிவு நீடிக்காமல் நேற்று தங்கத்தின் விலை திடீரென உயர்ந்தது. சவரனுக்கு ரூ.2,320 அதிகரித்து, ஒரு சவரன் ரூ.1,13,920-க்கும், ஒரு கிராம் ரூ.14,240-க்கும் விற்பனை செய்யப்பட்டது.

இந்நிலையில், தங்கத்தின் விலை இன்று மேலும் அதிகரித்துள்ளது. சென்னையில் 22 கேரட் ஆபரணத் தங்கத்தின் விலை சவரனுக்கு ரூ.960 உயர்ந்துள்ளது.

இதனால் ஒரு சவரன் தங்கம் ரூ.1,14,880-க்கும், ஒரு கிராம் ரூ.14,360-க்கும் விற்பனை செய்யப்பட்டு வருகிறது.தங்கத்தின் விலை உயர்ந்துள்ள நிலையில், வெள்ளியின் விலையில் இன்று எந்த மாற்றமும் ஏற்படவில்லை.

ஒரு கிராம் வெள்ளி ரூ.255-க்கும், ஒரு கிலோ வெள்ளி ரூ.2 லட்சத்து 55 ஆயிரத்துக்கும் விற்பனை செய்யப்பட்டு வருகிறது.தங்கம் விலை தொடர்ந்து உயர்ந்து வரும் நிலையில், நகை வாங்கத் திட்டமிட்டுள்ளவர்கள் சந்தையின் அடுத்தகட்ட விலை நிலவரத்தை உன்னிப்பாக கவனித்து வருகின்றனர்.