மேற்கு ஆசியாவை உலுக்கிய பெரும் போர் தீ, ஈரான்- இஸ்ரேல் மோதலாக வெடித்த நிலையில், அமெரிக்கா நேரடியாக இணைந்து கடந்த பிப்ரவரி 28ஆம் தேதி தாக்குதலை ஆரம்பித்தது. ஒன்றரை மாதத்திற்கும் மேலாக நீடித்த இந்த கடுமையான ராணுவ மோதல் ஆயிரக்கணக்கான உயிர்களை பலிகொண்டதுடன், உலகளாவிய எரிபொருள் சந்தையையே பதறவைத்தது; எரிபொருள் தட்டுப்பாடு தீவிரமடைந்ததாக தெரிவிக்கப்படுகின்றது.

இந்த சூழலில் அதிகரித்த சர்வதேச அழுத்தங்களின் காரணமாக, ஈரான் மீது மேற்கொள்ளப்பட்ட தாக்குதலை அமெரிக்கா தற்காலிகமாக நிறுத்தியதாக தெரிவிக்கப்படுகின்றது. போரை முழுமையாக முடிவுக்கு கொண்டு வர அமைதி பாதையைத் தேர்ந்தெடுத்து, ஈரானுடன் பேச்சுவார்த்தையில் அமெரிக்கா தீவிரமாக ஈடுபட்டு வருவதாகவும் தெரிவிக்கப்படுகின்றது.

இதேவேளை, லெபனான் மீது இஸ்ரேல் நடத்திய தாக்குதலும் தற்காலிகமாக நிறுத்தப்பட்டுள்ளதாய் தகவல்கள் தெரிவிக்கப்படுகின்றன.

இந்நிலையில், டொனால்ட் டிரம்ப் வெளியிட்டுள்ள கருத்து உலக அரசியல் வட்டாரங்களில் கவனம் ஈர்த்துள்ளது. அவர் தெரிவிக்கையில், “உலக மக்கள் விரும்பினாலும் விரும்பாவிட்டாலும், இஸ்ரேல் எப்போதும் அமெரிக்காவின் மிக நெருக்கமான மற்றும் உறுதியான கூட்டாளியாக தன்னை நிரூபித்துள்ளது.

அவர்கள் துணிச்சலும் திடப்பிடிப்பும் கொண்டவர்கள்; நம்பகத்தன்மை மற்றும் புத்திசாலித்தனத்தில் முன்னிலையில் உள்ளவர்கள். நெருக்கடியான தருணங்களில் உண்மையான சக்தியை வெளிப்படுத்தியவர்கள் அவர்கள். வெற்றியை எவ்வாறு அடைய வேண்டும் என்பதை தெளிவாக அறிந்த நாடு இஸ்ரேல்” என வலியுறுத்தியதாக தெரிவிக்கப்படுகின்றது.