ரஷ்யாவின் தாக்குதலை சமாளிக்க உக்ரைனுக்கு இராணுவ உதவி! அமெரிக்கா அறிவிப்பு.!

ரஷ்யாவின் தாக்குதலை சமாளிக்கும் வகையில் 2250 கோடி மதிப்பிலான ராணுவ உபகரணங்களை உக்ரைனுக்கு வழங்க இருப்பதாக அமெரிக்கா தெரிவித்துள்ளது.

உக்ரைன் மீது ரஷ்யா ஒரு மாதத்திற்கும் மேலாக தொடர்ந்து தாக்குதல் நடத்தி வருகிறது. இந்நிலையில் உக்ரைனின் பாதுகாப்பு திறனை வலுப்படுத்தவும், ரஷ்யாவின் ராணுவ நடவடிக்கைகளை சமாளிக்கவும், 2250 கோடி ரூபாய் மதிப்பிலான ராணுவ உபகரணங்களை உக்ரைனுக்கு வழங்க உள்ளதாக அமெரிக்கா தெரிவித்துள்ளது.

இந்த உபகரணங்களில் பாதுகாப்பு தொலைத் தொடர்பு கருவிகள், மருத்துவ உபகரணங்கள், வெடிமருந்துகள், தளவாட உதிரிபாகங்கள், தோட்டாக்கள், இருளிலும் குறிபார்த்து தாக்கும் கருவிகள், லேசர் ராக்கெட் ட்ரோன்கள் அடங்கும் என அமெரிக்க ராணுவ தலைமையகமான பென்டகன் தெரிவித்துள்ளது.

இதுவரை 106 கோடி டாலர் மதிப்பிலான இராணுவ உதவிகள் உகரைனுக்கு வழங்கப்பட்டுள்ளதாக அமெரிக்கா தெரிவித்துள்ளது.