அமெரிக்காவின் முன்னாள் அதிபர் டொனால்ட் டிரம்ப் மீண்டும் உலக அரசியலை அதிரவைத்துள்ளார். இந்தியா உட்பட பல்வேறு நாடுகளுக்கு எதிராக “பரஸ்பர வரி” என்ற பெயரில் கடுமையான வரிகளை விதித்து, சர்வதேச வர்த்தகத்தில் புதிய சலசலப்பை உருவாக்கியுள்ளார்.இந்த முடிவு சர்ச்சையை ஏற்படுத்திய நிலையில், அதற்கு எதிராக அமெரிக்க உச்ச நீதிமன்றத்தில் வழக்கு விசாரணை நடைபெற்று வருகிறது.

எனினும், டிரம்பின் நடவடிக்கையை உறுதியாக ஆதரித்து வருகிறார் அந்த நாட்டின் வர்த்தக அமைச்சர் ஹோவார்டு லூட்னிக்.அவர் அளித்த பேட்டியில், “நீதியையும், தேசிய நலனையும் காக்கும் ஒரு தந்திரமான ஆயுதமே இந்த வரிகள். டிரம்ப் இந்த வரிகளை சாதாரண பொருளாதார நடவடிக்கையாக அல்லாமல், ஒரு ராஜதந்திர கருவியாக பயன்படுத்துகிறார்.

குறிப்பாக, ரஷ்யா – உக்ரைன் போரை முடிவுக்கு கொண்டு வருவதற்காகவே இந்த கடினமான வரிகள் விதிக்கப்பட்டுள்ளன,” என அவர் தெரிவித்தார்.மேலும், “ரஷ்யாவிடம் இருந்து எண்ணெய் வாங்குவதை நிறுத்துமாறு டிரம்ப் கடுமையான அறிவுரை வழங்கியுள்ளார். இது உலக சக்திகளை சமநிலைப்படுத்தும் ஒரு ஆட்டமாகும்” எனவும் கூறினார்.

டிரம்ப் எடுத்த இந்த தீர்மானம் குறித்து தொடரப்பட்ட வழக்கில், “நாங்கள் நிச்சயம் வெற்றி பெறுவோம்; ஏனெனில் இது அமெரிக்காவின் பாதுகாப்பிற்காக அவசியமான அதிகாரம்” என லூட்னிக் வலியுறுத்தினார்.அதே சமயம், “இந்த அதிகாரத்தை கட்டுப்படுத்த முயற்சிப்பது, டிரம்பின் உலகத்தை பாதுகாப்பான திசையில் நகர்த்தும் திறனை பலவீனப்படுத்தும்,” என எச்சரிக்கையும் விடுத்தார்.