தமிழகத்தில் 3 நாட்களுக்கு வெளுத்து வாங்க போகும் மழை - மக்களே உஷார்.!
three days heavy rain in tamilnadu Meteorological Centre info
தமிழகத்தில் 3 நாட்களுக்கு வெளுத்து வாங்க போகும் மழை - மக்களே உஷார்.!
மேற்கு திசை காற்றின் வேக மாறுபாடு காரணமாகவும், கிழக்கு மத்திய பிரதேசம் மற்றும் அதனை ஒட்டிய பகுதிகளில் நிலவிய தீவிர காற்றழுத்த தாழ்வுப் பகுதி தற்போது மேற்கு திசையை நோக்கி நகர்ந்ததன் காரணமாகவும், தமிழ்நாட்டில் சில இடங்களில் மழை பெய்து வருகிறது.
அதன் படி நேற்று சென்னை உள்பட சில இடங்களில் மழை பெய்தது. அதிலும் சென்னையில் ஓரிரு இடங்களில் ஐஸ் கட்டி மழையும் பெய்துள்ளது. இந்த நிலையில், இன்று தமிழ்நாடு, புதுச்சேரி மற்றும் காரைக்கால் பகுதிகளில் சில இடங்களில் லேசானது முதல் மிதமான மழைக்கு வாய்ப்புள்ளது.
அதேபோல், கடலூர், கள்ளக்குறிச்சி, அரியலூர், பெரம்பலூர், மயிலாடுதுறை, திருச்சி, தஞ்சாவூர், புதுக்கோட்டை, நாகப்பட்டினம், திருவாரூர் உள்ளிட்ட 10 மாவட்டங்கள் மற்றும் காரைக்கால் பகுதிகளில் ஓரிரு இடங்களில் கனமழை பெய்வதற்கான வாய்ப்பு உள்ளது என்று வானிலை ஆய்வு மையம் அறிவித்துள்ளது.
இதைத் தொடர்ந்து, தமிழகம், புதுச்சேரி மற்றும் காரைக்கால் பகுதிகளில் நாளை முதல் 20-ந்தேதி வரை ஓரிரு இடங்களில் லேசானது முதல் மிதமான மழைக்கு வாய்ப்புள்ளது என்று வானிலை மையம் தெரிவித்துள்ளது.
English Summary
three days heavy rain in tamilnadu Meteorological Centre info