மீண்டும் இலங்கை கடற்படையின் அராஜகம்...! - கடலுக்குச் சென்ற 11 தமிழக மீனவர்கள் அதிரடி கைது...!

எல்லை மீறி மீன்பிடித்ததாகக் குற்றஞ்சாட்டி, ராமேஸ்வரத்தைச் சேர்ந்த 11 தமிழக மீனவர்களை இலங்கை கடற்படையினர் கைது செய்த சம்பவம் மீண்டும் கடலோரப் பகுதிகளில் பதற்றத்தை ஏற்படுத்தியுள்ளது.

தமிழக மீனவர்கள் மீது எல்லை மீறி மீன்பிடித்ததாகக் குற்றம்சுமத்தி, அவர்களை இலங்கை கடற்படையினர் கைது செய்யும் நிகழ்வுகள் தொடர்ந்து அரங்கேறி வருகின்றன.

அதுமட்டுமின்றி, மீன்பிடிக்க பயன்படுத்தப்படும் விசைப்படகுகளைப் பறிமுதல் செய்து அரசுடைமையாக்கும் நடவடிக்கைகளையும் இலங்கை அரசு மேற்கொண்டு வருகிறது.

இதன் காரணமாக, கடலை மட்டுமே வாழ்வாதாரமாக நம்பியிருக்கும் மீனவர்களின் வாழ்க்கை கடுமையாகப் பாதிக்கப்பட்டு, அவர்களின் எதிர்காலம் கேள்விக்குறியாகும் நிலை உருவாகியுள்ளது.

இந்தச் சூழலில், கச்சத்தீவு கடற்பகுதியில் மீன்பிடித்துக் கொண்டிருந்த ராமேஸ்வரம் மீனவர்கள் 11 பேரை, எல்லை மீறியதாகக் கூறி இலங்கை கடற்படையினர் கைது செய்துள்ளனர்.

கைது செய்யப்பட்ட மீனவர்கள் மற்றும் அவர்கள் சென்றிருந்த விசைப்படகு இலங்கை அதிகாரிகளின் கட்டுப்பாட்டிற்குள் கொண்டு செல்லப்பட்டுள்ளதாகத் தெரிவிக்கப்படுகிறது. இந்தச் சம்பவம் ராமேஸ்வரம் மீனவக் குடும்பங்களிடையே மீண்டும் கவலையையும் பரபரப்பையும் ஏற்படுத்தியுள்ளது.