பாஜக முன்னாள் வேட்பாளரை தாக்கிய திமுக எம்எல்ஏ?! பரபரப்பு புகார்!
sankarankovil DMK MLA Raja
பாஜக முன்னாள் நிர்வாகியை, சங்கரன்கோவில் திமுக எம்எல்ஏ ராஜா தாக்கியதாக காவல்நிலையத்தில் புகார் அளிக்கப்பட்டுள்ளது.
தென்காசி சிந்தாமணி பகுதியை சேர்ந்தவர் ராஜ்குமார்,. முன்னாள் பாஜக நிர்வாகியான இவரை சங்கரன்கோவில் தொகுதி திமுக எம்எல்ஏ ராஜா தாக்கியதாக காவல்நிலையத்தில் புகார் அளிக்கப்பட்டுள்ளது.
வாசுதேவநல்லூர் சட்டமன்ற தொகுதியில் பாஜக சார்பாக இருமுறை போட்டியிட்டு தோல்வியடைந்த ராஜ்குமார், வழக்கறிஞர் என்று சொல்லப்படுகிறது.
இந்நிலையில், சிந்தாமணி பகுதியில் நடைபெற்ற கோயில் கொடை விழாவில் பங்கேற்ற திமுக எம்எல்ஏ ராஜாவுக்கும், ராஜ்குமாருக்கும் இடையே வாக்கு வாதம் ஏற்பட்டு மோதலாக விதித்துள்ளது.
இதில், பாஜக முன்னாள் நிர்வாகி ராஜ்குமாரை, திமுக எம்எல்ஏ ராஜா தாக்கியதாக சொல்லப்படுகிறது. இதில் காயமடைந்த ராஜ்குமார் மருத்துவமனையில் அனுமதிக்கப்பட்டு சிகிச்சை பெற்று வருகிறார்.
மேலும், சம்பவம் குறித்து போலீசில் புகார் அளித்துள்ளதாக ராஜ்குமாரின் மனைவி கோபிகா தெரிவித்துள்ளார்.
English Summary
sankarankovil DMK MLA Raja