1 முதல் 9 ஆம் வகுப்பு மாணவர்களுக்கான 2025-2026 ஆம் கல்வியாண்டிற்கான முழு ஆண்டுத் தேர்வு கால அட்டவணை வெளியீடு..!

தமிழ்நாட்டில் அரசு மற்றும் அரசு உதவி பெறும், தனியார் பள்ளிகளுக்கு 01 முதல் 09 ஆம் வகுப்பு வரையிலான மாணவர்களுக்கு 2025-2026 ஆம் கல்வியாண்டிற்கான முழு ஆண்டுத் தேர்வு கால அட்டவணை வெளியிடப்பட்டுள்ளது.

ஏப்ரல் மாதம் தமிழ்நாடு சட்டமன்றத் தேர்தல் நடைபெற உள்ள நிலையில், மாணவர்களுக்கான தேர்வு அட்டவணையை தமிழ்நாடு அரசு வெளியிட்டுள்ளது.

அதன்படி 01 முதல் 09-ஆம் வகுப்பு வரையிலான மாணவர்களுக்கு வரும் ஏப்ரல் 01-ஆம் தேதி முதல் 16-ஆம் தேதி வரை வகுப்பு வாரியாக தேர்வு தேதிகள் அறிவிக்கப்பட்டுள்ளன.

01- ஆம் வகுப்பு முதல் 03- ஆம் வகுப்பு வரையிலான மாணவர்களுக்கு ஏப்ரல் 08-ஆம் தேதி தொடங்கி ஏப்ரல் 16 ஆம் வரை தேர்வுகள் நடைபெறவுள்ளன. அதேபோல், 04மற்றும் 05-ஆம் வகுப்பு மாணவர்களுக்கு ஏப்ரல் 06-ஆம் தேதி தொடங்கி ஏப்ரல் 16 ஆம் தேதி வரை தேர்வுகள் நடைபெறுகின்றன.

அடுத்து, 06 முதல் 09-ஆம் வகுப்பு வரையிலான மாணவர்களுக்கு ஏப்ரல் 01-ஆம் தேதி தொடங்கி 16-ஆம் தேதி வரை தேர்வுகள் நடைபெறுகின்றன.

16ஆம் தேதியோடு தேர்வுகள் நிறைவடைந்து 17ஆம் தேதி முதல் கோடை விடுமுறை தொடங்கும். அதன்பிறகு 2026 – 2027ஆம் கல்வியாண்டிற்கான முதல் வேலை நாள் வரும் ஜூன் மாதம் 1ஆம் தேதி தொடங்கப்படலாம் என எதிர்பார்க்கப்படுகிறது.