தென்மேற்கு வங்கக்கடலில் உருவாகி, சென்னையை நோக்கி வரும் ‘டிட்வா’ புயல், தற்போது சென்னைக்கு தென்கிழக்கே சுமார் 400 கி.மீ. தூரத்தில் உள்ளது.

வானிலை ஆய்வு மையம் தெரிவித்ததாவது, புயல் வடக்கு-வடமேற்கு திசையில் மணிக்கு 8 கி.மீ. வேகத்தில் மெதுவாக நகர்ந்து, 30-ந்தேதி வடதமிழ்நாடு, புதுவை மற்றும் ஆந்திர கடற்கரைகளுக்கு அருகில் தென்மேற்கு வங்கக்கடலை அடையும் என கணிக்கப்பட்டுள்ளது.

இதனால் டெல்டா மாவட்டங்களில் கனமழை பெய்து வருகிறது.இந்த நிலையில், மாநிலத்திற்கு முன்னெச்சரிக்கை நடவடிக்கையாக கூடுதல் தேசிய பேரிடர் மீட்பு (NDRF) குழுக்கள் அனுப்பப்பட்டுள்ளன என்று துணை கமாண்டர் தகவல் வெளியிட்டார்.

தற்பொழுது தமிழகத்தில் 14 தேசிய பேரிடர் மீட்பு குழுக்கள் மீட்பு பணிகளில் ஈடுபட்டுள்ள நிலையில், மேலும் 10 குழுக்களை வரவழைக்க திட்டமிடப்பட்டுள்ளதாக அவர் தெரிவித்தார்.மேலும், புனே மற்றும் வதோதரா பகுதிகளிலிருந்து 10 புதிய NDRF அணிகள் தமிழகம் வரவழைக்கப்படவுள்ளன.

இதில், 5 அணிகள் சென்னையில், 5 அணிகள் விழுப்புரத்தில் ரேடி நிலையில் நிறுத்தப்பட உள்ளதாக அதிகாரிகள் தெரிவித்துள்ளனர்.இந்த நடவடிக்கை, டிட்வா புயலால் ஏற்படும் பாதிப்புகளை குறைத்து, மக்கள் பாதுகாப்பை உறுதி செய்யும் நோக்கத்துடன் மேற்கொள்ளப்பட்டுள்ளது.