நாகை மாவட்ட அதிமுக ஐடி விங் நிர்வாகி கைது.!!

நாகை மாவட்ட அதிமுக தகவல் தொழில்நுட்ப பிரிவு துணைத்தலைவர் கவிதரனை வேதாரண்ய போலீசார் நள்ளிரவில் கைது செய்துள்ளனர். நாகை நகராட்சிக்குட்பட்ட பகுதிகளில் ஏற்படும் பல்வேறு மக்கள் பிரச்சனைகள் குறித்து சமூக வலைதளங்களில் அதிமுக ஐடி விங் நிர்வாகி கவிதரன் தொடர்ந்து பதிவிட்டு வந்ததாக கூறப்படுகிறது.

அந்த பதிவுகளை நீக்குமாறு பலமுறை வலியுறுத்தியும் அவர் நிக்காததால் திமுக நிர்வாகிகள் அளித்த புகாரின் பேரில் அதிமுக தகவல் தொழில்நுட்ப பிரிவு மாவட்ட துணை தலைவர் கவிதரன் மீது 5 பிரிவுகளின் கீழ் வழக்கு பதிவு செய்த போலீசார் கைது செய்துள்ளனர்.

கைது செய்யப்பட்ட அதிமுக நிர்வாகிகளிடம் வேதாரண்யம் போலீசார் தீவிர விசாரணை மேற்கொண்டு வருகின்றனர் சம்பவம் குறித்து தகவல் அறிந்த அதிமுக மாவட்ட நிர்வாகிகள் காவல் நிலையம் முன்பு வழக்கறிஞர்களுடன் குவிந்துள்ளனர். இதனால் பகுதியில் பரபரப்பான சூழல் நிலவி வருகிறது.