ஜூலை 30-ந்தேதி மருத்துவ கலந்தாய்வு தொடங்கப்படும் என்று அமைச்சர் மா.சுப்பிரமணியன் தெரிவித்துள்ளார்.

தமிழ்நாட்டில் MBBS மற்றும் BDS பட்டப்படிப்புகளுக்கான கலந்தாய்வு ஜூலை 30-ந்தேதி காலை 10 மணிக்கு தொடங்கும் என மருத்துவத் துறை அமைச்சர் மா. சுப்பிரமணியன் அறிவித்துள்ளார்.

இதுகுறித்து மருத்துவத் துறை அமைச்சர் மா. சுப்பிரமணியன் கூறியதாவது:MBBS & BDS இளங்கலை படிப்புகளுக்கான ஆன்லைன் விண்ணப்பம் ஜூன் 5 முதல் 29 வரை பெறப்பட்டது.

மொத்தம் 72,743 மாணவர்கள் விண்ணப்பித்துள்ளனர்.சில மாணவர்கள் சான்றிதழ்கள் இணைக்க மறந்த நிலையில், அவர்களுக்கு 2 நாள் கால அவகாசம் வழங்கப்பட்டுள்ளது.சான்றிதழ் சரிபார்ப்பு இறுதி நாள் – ஜூலை 18, காலை 10 மணி என்று தெரிவித்தார்.

மேலும் 20 விண்ணப்பதாரர்கள் போலி சான்றிதழ்கள் வழங்கியமை கண்டறியப்பட்டுள்ளது.7 பேர் – பிறப்பிடம் சான்றிதழ் போலி,9 பேர் – சாதி சான்றிதழ் போலி,4 பேர் – NRI தூதரக சான்றிதழ் போலி,இவர்களின் விண்ணப்பங்கள் நிராகரிக்கப்படுவதுடன், 3 வருடங்களுக்கு தடை விதிக்கப்படுகிறது.மேலுமாக, சட்ட நடவடிக்கைகள் மேற்கொள்ளப்படும் என்று கூறினார்.

மேலும் இறுதி தகுதி பட்டியல் – ஜூலை 25, காலை 10 மணிக்கு வெளியீடு,அதே நாளில் மெரிட் ரிசல்ட் (Merit Result) வெளியிடப்படும்,கலந்தாய்வு மத்திய அரசு கால அட்டவணைப்படி நடைபெறும்,மாணவர்கள், தங்களது சான்றிதழ்களை சரிபார்த்துவிட்டு கால அவகாசத்தில் உறுதிப்படுத்த வேண்டியது அவசியம் என அமைச்சர்  மா. சுப்பிரமணியன் தெரிவித்தார்.