மது பாட்டில்களுக்கு கூடுதல் கட்டணம் வசூலித்ததாகக் கூறி, முறையான விசாரணை நடத்தாமல் டாஸ்மாக் பணியாளர்கள் மீது பணிநீக்கம் அல்லது ஒழுங்கு நடவடிக்கை எடுக்கக் கூடாது எனச் சென்னை உயர் நீதிமன்றம் உத்தரவிட்டுள்ளது.

டாஸ்மாக் சுற்றறிக்கை: டாஸ்மாக் கடைகளில் மதுபானங்களைக் கூடுதல் விலைக்கு விற்றால் தற்காலிக பணிநீக்கம், இடமாற்றம் மற்றும் பணிநீக்கம் செய்யப்படும் எனத் டாஸ்மாக் நிர்வாகம் கடந்த ஜூலை 24-ஆம் தேதி பிறப்பித்த சுற்றறிக்கையை எதிர்த்துத் தமிழ்நாடு டாஸ்மாக் விற்பனையாளர்கள் நலச் சங்கம் வழக்கு தொடர்ந்தது.

இயற்கை நீதி கொள்கை: மனுவை விசாரித்த நீதிபதி கே. சுரேந்தர், இயற்கை நீதியைப் பின்பற்றாமல் பணியாளர்களுக்கு எதிராக எந்தவொரு தண்டனை நடவடிக்கையையும் மேற்கொள்ளக் கூடாது எனத் தெரிவித்தார்.

விளக்கமளிக்க அவகாசம்: தண்டனை விதிக்கப்படுவதற்கு முன்பாக, தொழிலாளர்கள் தங்கள் தரப்பு நியாயமான வாதங்களை முன்வைக்கப் போதுமான அவகாசமும் முறையான விசாரணையும் வழங்கப்பட வேண்டும் என நீதிபதி வலியுறுத்தினார்.

நீதிமன்ற உத்தரவு: சட்ட விதிகள் மற்றும் பணி விதிகளை முழுமையாகப் பின்பற்றி விசாரணை நடத்தாமல் எந்தவொரு டாஸ்மாக் தொழிலாளியும் தண்டிக்கப்படவோ, இடமாற்றம் செய்யப்படவோ, பணிநீக்கம் செய்யப்படவோ கூடாது என உத்தரவிட்டு வழக்கினை உயர் நீதிமன்றம் முடித்து வைத்தது.