அதிமுக போகும் போக்கே சரியில்லை - திமுகவில் இணைந்த கார்த்திக் தொண்டைமான் பரபரப்பு பேட்டி.!!
karthik thondaiman joined dmk
புதுக்கோட்டை தொகுதியில் கடந்த 2012 ஆம் ஆண்டு நடந்த சட்டமன்ற இடைத்தேர்தலில் அதிமுக சார்பில் போட்டியிட்டு எம்.எல்.ஏ ஆனவர் கார்த்திக் தொண்டைமான். அதன் பின்னர் இவர் கடந்த 2016 மற்றும் 2021 ஆம் ஆண்டு நடைபெற்ற தேர்தல்களில் புதுக்கோட்டை தொகுதியில் போட்டியிட்டு தோல்வியடைந்தார்.
இந்த நிலையில், புதுக்கோட்டை மாவட்ட அதிமுக முன்னாள் எம்.எல்.ஏ கார்த்திக் தொண்டைமான் இன்று முதலமைச்சர் மு.க.ஸ்டாலின் முன்னிலையில் தன்னை திமுகவில் இணைத்துக் கொண்டார். அதன் பின்னர், செய்தியாளர்களுக்கு பேட்டியளித்த அவர் தெரிவித்ததாவது:-
"அதிமுக மதவாத சக்திகளுக்கு துணை போகிறது. அதிமுக போகும் போக்கே சரியில்லை. தமிழகத்தில் மதவாத சக்திகள் தலைதூக்க கூடாது என்ற நோக்கத்தில் திமுகவில் இணைந்துள்ளேன். முதலமைச்சர் மு.க ஸ்டாலினின் நல்லாட்சியில் தமிழகம் வளர்ந்து கொண்டுள்ளது. நான் அதற்கு உறுதுணையாக இருந்து பணியாற்றுவேன்” என்றுத் தெரிவித்தார்.
English Summary
karthik thondaiman joined dmk