தமிழக சட்டசபையில் பட்ஜெட் மீதான விவாதங்கள் தொடர்ந்து நடைபெற்று வரும் நிலையில், தமிழ்த்தாய் வாழ்த்துக்கு முக்கியத்துவம் அளிக்கும் வகையில் அரசு சார்பில் தனித்தீர்மானம் கொண்டு வரப்பட்டுள்ளது.இரண்டு நாள் விடுமுறைக்கு பிறகு தமிழக சட்டசபை இன்று காலை 9.30 மணிக்கு மீண்டும் கூடியது.

கூட்டத்தொடர் தொடங்கியதும் முதலில் இரங்கல் குறிப்புகள் வாசிக்கப்பட்டன.இதனைத் தொடர்ந்து, தமிழகத்தில் செயல்பட்டு வரும் அனைத்து கல்வி நிறுவனங்கள், பல்கலைக்கழகங்கள் மற்றும் அரசு அலுவலகங்களில் நடைபெறும் நிகழ்ச்சிகளின் தொடக்கத்தில் தமிழ்த்தாய் வாழ்த்துக்கு முன்னுரிமை வழங்க வேண்டும் என்ற தனித்தீர்மானம் சட்டசபையில் முன்வைக்கப்பட்டது.

அதன்படி, அரசு மற்றும் அரசு சார்ந்த நிகழ்ச்சிகள் மட்டுமின்றி கல்வி நிறுவனங்கள், பல்கலைக்கழகங்கள் உள்ளிட்ட அனைத்து நிறுவனங்களிலும் எந்தவொரு நிகழ்ச்சியும் தொடங்குவதற்கு முன்பாக தமிழ்த்தாய் வாழ்த்து கட்டாயம் முதலில் பாடப்பட வேண்டும் என தீர்மானத்தில் வலியுறுத்தப்பட்டுள்ளது.

தமிழ் மொழியின் சிறப்பையும், தமிழர்களின் பண்பாட்டு அடையாளத்தையும் போற்றும் வகையில் இந்த நடைமுறைக்கு முக்கியத்துவம் அளிக்கப்படுவதாக தெரிவிக்கப்பட்டுள்ளது.

இந்த தனித்தீர்மானத்தை தமிழக முதல்-அமைச்சர் விஜய் சட்டசபையில் முன்மொழிந்து உரையாற்றினார். தீர்மானம் தொடர்பான விவாதம் சட்டசபையில் தொடர்ந்து நடைபெற்று வருகிறது.