19-வது ஐபிஎல் தொடரின் 44-வது லீக் தொடர் இன்று சென்னை சேப்பாக்கம் மைதானத்தில் நடைபெறவுள்ளது. இதில் 05 முறை சாம்பியன்களான சென்னை - மும்பை அணிகள் பலப்பரீட்சை நடத்தவுள்ளது.

இந்த போட்டியையொட்டி, இன்று ரசிகர்​கள் பேருந்​துகளில் கட்​ட​ணமின்றி பயணிக்​கலாம் என மாநகர் போக்​கு​வரத்​துக் கழகம் தெரி​வித்​துள்​ளது. இதுகுறித்து மாநகர போக்குவரத்து கழகம் வெளி​யிடப்​பட்ட அறிக்​கை​யில் குறிப்பிடப்பட்டுள்ளதாவது;

''சென்​னை​யில் 2026-ம் ஆண்​டுக்​கான ஐபிஎல் கிரிக்​கெட் போட்டிகள் எம்ஏ சிதம்​பரம் விளை​யாட்டு மைதானத்​தில் நடை​பெற உள்​ளது.

போட்டி நாள் அன்று போக்​கு​வரத்து நெரிசலை குறைக்​கும் வித​மாக​வும், பொது போக்​கு​வரத்து பயன்​பாட்டை அதி​கரிக்​கும் வித​மாக​வும் சென்னை சூப்​பர் கிங்ஸ் கிரிக்​கெட் நிறு​வனத்​திடம் மா.​போ.கழகம் உரிய பயண கட்​ட​ணம் பெற்​றுக்​கொண்​டதன் அடிப்​படை​யில், பயணி​கள் கிரிக்​கெட் போட்​டிக்​கான நுழைவுச் சீட்டு வைத்​திருந்​தால் அதை நடத்​துனரிடம் காண்​பித்து மா.​போ.கழக பேருந்​துகளில் (குளிர்​சாதன பேருந்து நீங்​கலாக) போட்டி நடை​பெறும் நேரத்​துக்கு 3 மணி நேரத்​துக்கு முன்​பும், போட்டி முடிந்த பின்​னர் மூன்று மணி நேரத்​துக்​கும் மா.​போ.கழக பேருந்​துகளில் கட்​ட​ணமின்றி பயணிக்க அனு​ம​திக்​கப்​படு​வார்​கள்.

மா.​போ.கழகம் ஐபிஎல் கிரிக்​கெட் போட்​டிக்கு சிறப்பு பேருந்​துகளை இயக்க ஏற்​பாடு செய்​துள்​ளது. சென்​னை​யின் பல்​வேறு பகு​தி​களி​லிருந்து பார்​வை​யாளர்​கள் மாநகர பேருந்​துகளில் கிரிக்​கெட் போட்​டிக்​கான நுழைவுச் சீட்டை காண்​பித்து வரலாம்.

மேலும், பல பேருந்​துகளை பயன்​படுத்தி மைதானத்​துக்கு பயணம் செய்து வரலாம். மேலும், பார்​வை​யாளர்​கள் வசதிக்​காக போட்டி முடிந்த பின்பு தமது இருப்​பிடம் செல்ல, மாநகர போக்​கு​வரத்​துக் கழகம் அண்ணா சதுக்​கம் பேருந்து நிலை​யம், தீவுத்​திடல் தற்​காலிக பேருந்து நிறுத்​தம், சென்னை பல்​கலைக்​கழக பேருந்து நிறுத்​தம், அண்ணா சாலை, ஓமந்​தூ​ரார் மருத்​து​வ​மனை அரு​கில் ஆகிய இடங்​களி​லிருந்து பேருந்​துகளை இயக்க சிறப்பு ஏற்​பாடு செய்​யப்​பட்​டுள்​ளது.'' என குறிப்பிட்டுள்ளது.