பாகூர் தொகுதியில் இல்லம்தோறும் மாணவர் அணி உறுப்பினர் சேர்க்கை முகாம்: கழக பொருளாளர் இரா. செந்தில்குமார் முன்னிலையில், மாநில கழக அமைப்பாளர் இரா. சிவா அவர்கள் தொடங்கி வைத்தார். 

புதுச்சேரி மாநில பாகூர் தொகுதியில், மாநில மாணவர் அணி துணை அமைப்பாளர் கீர்த்தி எழினி ஏற்பாட்டின்பேரில் இல்லம் தேடி மாணவரணி உறுப்பினர் சேர்க்கை முகாம் நடைபெற்றது. மாநில கழக பொருளாளரும், தொகுதி சட்டமன்ற உறுப்பினருமான இரா. செந்தில்குமார் அவர்கள் முன்னிலையில் நடைபெற்ற உறுப்பினர் சேர்க்கை முகாமில், சிறப்பு விருந்தினராக மாநில கழக அமைப்பாளரும், சட்டமன்ற எதிர்க்கட்சித் தலைவருமான இரா. சிவா அவர்கள் கலந்துகொண்டு,தொடங்கி வைத்தார். 

அப்போது இல்லங்கள்தோறும் நடந்து சென்று கழக தலைவர் தமிழ்நாடு முதலமைச்சர்‌ மு.க. ஸ்டாலின்‌‌ அவர்கள் தமிழகத்தில் பள்ளி, கல்லூரி மாணவர்களுக்காக நிறைவேற்றிய பல்வேறு திட்டங்களை சலுகைகளை எடுத்துரைத்தும், இதேபோல் கழக ஆட்சி புதுச்சேரி மாநிலத்தில் அமைந்தால் மாணவர்களுக்கு பல்வேறு திட்டங்கள் கொண்டுவரப்படும் என உறுதியளித்தும், மாணவர் அணி உறுப்பினர் சேர்க்கை படிவங்களை மாணவ- மாணவிகளிடம் கொடுத்து  உறுப்பினர் சேர்க்கையை துவக்கி வைத்தார். இதில் நூற்றுக்கும் மேற்பட்ட மாணவ - மாணவிகள் ஆர்வமுடன் தங்களை திமுக மாணவர் அணியில் இணைத்துக் கொண்டனர். 

இந்நிகழ்ச்சியில் மாணவர்க‌ அணி அமைப்பாளர் மணிமாறன், பொதுக்குழு உறுப்பினர்கள் கார்த்திகேயன், அமுதாகுமார், தொகுதி செயலாளர்கள் பாண்டு அரிகிருஷ்ணன், சக்திவேல், வடிவேலு, தியாகராஜன் உள்ளிட்ட கழக‌ நிர்வாகிகள் ஏராளமானோர் கலந்துகொண்டனர்.