சென்னைவாசிகளுக்கான ஒரு நல்ல செய்தி! பல ஆண்டுகளுக்குப் பிறகு, தலைநகர் சென்னையில் மீண்டும் டபுள் டெக்கர் பேருந்துகள் இயக்கப்பட உள்ளன. கடந்த 1997-ம் ஆண்டு திருவல்லிக்கேணி – பெசன்ட் நகர், பிராட்வே – அடையார் போன்ற முக்கிய வழித்தடங்களில் ஓடிய இவை, தொழில்நுட்ப கோளாறுகள் மற்றும் லாபம் இல்லாத காரணங்களால் 2008-இல் நிறுத்தப்பட்டன.

இப்போது, மாநகரப் போக்குவரத்துக் கழகம் (MTC) புதிய முயற்சியில், மின்சார டபுள் டெக்கர் பேருந்துகளை கொண்டுவந்து, சுற்றுலா பயணங்களை ஊக்குவிக்க திட்டமிட்டுள்ளது.

 மின்சார டபுள் டெக்கர் பஸ்கள் - புதிய அம்சங்கள்

இந்த புதிய பேருந்துகள் மின்சாரத்தால் இயங்கும் வகையில் வடிவமைக்கப்பட்டுள்ளன. சுற்றுச்சூழலுக்கு நல்லதோடு, பயணிகளுக்கான வசதிகளும் அதிகம்:

முழுக்க முழுக்க ஏசி வசதி

CCTV கண்காணிப்பு

மொபைல் சார்ஜிங் பாயிண்ட்

எலக்ட்ரானிக் டிக்கெட்டிங் சிஸ்டம்

முதற்கட்டமாக 20 மின்சார டபுள் டெக்கர்கள் வாங்கப்பட்டு இருக்கின்றன.

 எந்த வழித்தடங்களில் இயக்கப்படும்?

இந்த டபுள் டெக்கர் பஸ்கள், சென்னையின் முக்கிய சுற்றுலா தலங்களை இணைக்கும் வகையில் இயக்கப்பட உள்ளன:

மெரினா கடற்கரை

கலங்கரை விளக்கம்

பெசன்ட் நகர்

இதற்காக மாநகர போக்குவரத்துக் கழகம், இந்தப் பஸ்கள் செல்லக்கூடிய வழித்தடங்களை துல்லியமாக ஆய்வு செய்து வருகிறது. மேம்பாலங்கள், மெட்ரோ பாலங்கள், குறுகிய சாலைகள் போன்ற சவால்களை தாண்டி, பாதுகாப்பான மற்றும் சரியான உயரம் கொண்ட வழித்தடங்களே தேர்வு செய்யப்பட உள்ளன.

சவால்களும் குறைகள்:

சென்னையில் டபுள் டெக்கர் பஸ்களை இயக்குவதில் சில சிக்கல்களும் உள்ளன:

பல மேம்பாலங்கள் மற்றும் மெட்ரோ ரயில் பில்லர்கள் – பஸ்கள் சென்று செல்லும் உயரம் குறைக்கப்படலாம்.கட்டுமான பணிகள், சாலை பழுது மற்றும்  தெருக்கள் – இயல்பான போக்குவரத்தை பாதிக்கலாம்.

அதனால், பஸ்கள் இயங்கும் வழிகளை மிக உன்னிப்பாக திட்டமிடவேண்டும் என அதிகாரிகள் தெரிவித்துள்ளனர்.

அண்டை மாநிலத்தில் எப்படி இருக்கிறது?

கேரளாவில், திருவனந்தபுரம் மற்றும் எர்ணாகுளத்தில் ஏற்கனவே டபுள் டெக்கர் பஸ்கள் வெற்றிகரமாக இயக்கப்பட்டு வருகின்றன. அந்த மாதிரியான மாதிரியாகவே இங்கு செயல்படுத்தவும் திட்டமிடப்பட்டுள்ளது.

சென்னையில் டபுள் டெக்கர் பஸ்கள் மீண்டும் சாலைகளில் பறக்க உள்ளன என்பது உறுதி. சுற்றுலாப் பயணிகளையும், நகரின் அழகையும் புதிய கோணத்தில் காணும் வாய்ப்பை இவை வழங்கும். விரைவில் வழித்தடங்கள் அறிவிக்கப்பட்டு, சேவை தொடங்கும் என எதிர்பார்க்கப்படுகிறது.