படம் கிடைக்காமல் 8-9 வருடங்களாக தவித்தேன்...! ஆனால்...? - 'ரெட்ட தல' இயக்குனர்

அண்மையில் ''ரெட்ட தல'' படத்தின் டீசர் வெளியீட்டு விழா நடைபெற்றது.அப்போது படத்தின் இயக்குனர் 'திருக்குமரன்' மனம் திறந்து தெரிவித்ததாவது,"நீண்ட காலமாக தனக்கு படம் இயக்கும் வாய்ப்பு கிடைக்கவில்லை" என்றார்.இதுகுறித்து விளக்கமாக தெரிவிக்கையில்,"மான் கராத்தே (2014) மற்றும் கெத்து (2016) படங்களுக்கு பிறகு, 8-9 ஆண்டுகளாக எனக்கு எந்த வாய்ப்பும் கிடைக்கவில்லை.

அப்போது அருண் விஜய் சாரை சந்திக்க எனக்கு ஒரு வாய்ப்பு கிட்டியது.அவரை சந்தித்த போது தெரிவித்ததாவது,'என்னிடம் ஒரு நல்ல கதை இருக்கிறது, அதை உங்களிடம் சொல்ல விரும்புகிறேன்'என்றேன்.

சற்றும் எதிர்பார்க்காதவிதமாக கதையைக் கேட்ட உடனேயே அவர் ஓகே சொல்லிவிட்டார்" என்று தெரிவித்தார்.மேலும், ''ரெட்ட தல'' படத்தில் அருண் விஜய் இரட்டை வேடத்தில் நடித்திருக்கிறார்.

இதில் முக்கிய கதாபாத்திரங்களில்,தான்யா ரவிச்சந்திரன், ஜான் விஜய், பாலாஜி முருகதாஸ், சித்தி இத்னானி, யோகி சாமி மற்றும் ஹரீஷ் பேரடி ஆகியோரும் நடித்துள்ளனர். முக்கியமாக படத்தின் ரிலீஸ் தேதி இன்னும் அறிவிக்கப்படவில்லை.