தமிழ் சினிமாவின் மிகுந்த எதிர்பார்ப்பை ஏற்படுத்தியுள்ள விக்ரமின் 63-ஆவது படம் குறித்து புதிய தகவல் வெளியாகியுள்ளது. சமீபத்தில் வெளியான ‘வீர தீர சூரன்’ படத்தின் பின்னர், விக்ரம் தற்போது தனது அடுத்த படத்திற்கான தயாரிப்பில் தீவிரமாக ஈடுபட்டு வருகிறார்.

இந்த புதிய படத்தை ‘மண்டேலா’ மற்றும் ‘மாவீரன்’ படங்களை இயக்கி விமர்சகர்களின் பாராட்டைப் பெற்ற இயக்குநர் மடோன் அஸ்வின் இயக்க உள்ளார். சாந்தி டாக்கீஸ் நிறுவனம் தயாரிக்கும் இந்த படம், உலகளாவிய பார்வையாளர்களை ஈர்க்கும் வகையில் உருவாகும் என தெரிவிக்கப்படுகிறது.

இப்போதுவரை இந்த படத்தின் கதை, நடிகர்கள் மற்றும் தொழில்நுட்பக் குழுவை பற்றிய அதிகாரபூர்வ அறிவிப்பு வெளியாகவில்லை. ஆனால், விக்ரமின் கதாபாத்திரம் மீண்டும் ஒரு தனித்துவமான வடிவத்தில் ரசிகர்களை ஆச்சரியப்படுத்தும் என கோலிவுட் வட்டாரங்களில் பேசப்படுகிறது.

மடோன் அஸ்வின் இயக்கும் படங்கள் எப்போதும் சமூகச் செய்தி மற்றும் வித்தியாசமான கதை அமைப்புகளைக் கொண்டிருப்பது குறிப்பிடத்தக்கது. அதேபோல், இந்த புதிய படமும் ஒரு முக்கிய விழிப்புணர்வை மக்களிடம் கொண்டு சேர்க்கும் கதையாக இருக்கும் என எதிர்பார்க்கப்படுகிறது.

இதற்கிடையில், இந்த படத்தின் கதாநாயகி குறித்த முக்கிய அப்டேட் வெளியாகியுள்ளது. அதாவது, விக்ரமுக்கு ஜோடியாக ‘கோட்’ படத்தில் தளபதிக்கு எதிராக நடித்த மீனாட்சி செவுத்திரி இணைந்துள்ளார் எனத் தகவல் வெளியாகியுள்ளது.

சமீபத்தில் கோட் படத்தின் மூலம் ரசிகர்களிடம் கவனம் பெற்ற மீனாட்சி செவுத்திரி, விக்ரம் போன்ற முன்னணி நடிகருடன் இணைவது அவருடைய கேரியரில் முக்கிய முன்னேற்றமாக பார்க்கப்படுகிறது.

விக்ரம் தற்போது பல்வேறு கதாபாத்திரங்களில் தன்னை புதுப்பித்துக் கொண்டு வருகிறார். அதனால், மடோன் அஸ்வின் இயக்கத்தில் அவர் எப்படிப்பட்ட வேடத்தில் நடிப்பார் என்ற எதிர்பார்ப்பு ரசிகர்கள் மத்தியில் பெரிதும் அதிகரித்துள்ளது.

விரைவில் இந்த படத்தின் தலைப்பு, படப்பிடிப்பு தொடக்க தேதி, மற்றும் முழு நடிகர் பட்டியல் அதிகாரப்பூர்வமாக அறிவிக்கப்படும் என தகவல்கள் தெரிவிக்கின்றன.