பெருநாள் பண்டிகைகள் வருவதையொட்டி பயணிகளின் அதிகப்படியான தேவையை பூர்த்தி செய்ய, தெற்கு ரெயில்வே பல்வேறு சிறப்பு ரெயில்களை இயக்க உள்ளதாக அறிவித்துள்ளது.
சென்னை சென்ட்ரல் – கன்னியாகுமரி வாராந்திர சிறப்பு ரெயில் (06151/06152)
சென்னை புறப்பாடு (06151): செப்டம்பர் 22, 29, அக்டோபர் 06, 13, 20 (திங்கட்கிழமைகள்) இரவு 11.50 மணிக்கு புறப்பட்டு, மறுநாள் பிற்பகல் 1.20 மணிக்கு கன்னியாகுமரியை அடையும்.

கன்னியாகுமரி புறப்பாடு (06152): செப்டம்பர் 23, 30, அக்டோபர் 07, 14, 21 ஆகிய தேதிகளில் பிற்பகல் 3.35 மணிக்கு புறப்பட்டு மறுநாள் காலை 8.30 மணிக்கு சென்னை சென்ட்ரல் வந்தடையும்.
திருநெல்வேலி – செங்கல்பட்டு சூப்பர்பாஸ்ட் சிறப்பு ரெயில் (06154/06153)
திருநெல்வேலி புறப்பாடு (06154): செப்டம்பர் 26, 28, அக்டோபர் 03, 05, 10, 12, 17, 19, 24, 26 ஆகிய தேதிகளில் (வெள்ளி & ஞாயிறு) அதிகாலை 4.00 மணிக்கு புறப்பட்டு, மதியம் 1.15 மணிக்கு செங்கல்பட்டை அடையும்.
செங்கல்பட்டு புறப்பாடு (06153): அதே தேதிகளில் இரவு 11.55 மணிக்கு புறப்பட்டு, மறுநாள் அதிகாலை திருநெல்வேலியை சென்றடையும்.
இந்த சிறப்பு ரெயில்களுக்கான முன்பதிவு செப்டம்பர் 20ஆம் தேதி காலை 8 மணி முதல் தொடங்குகிறது.
பெரும் பண்டிகை கால நெரிசலை தவிர்க்க விரும்புவோர், உடனே முன்பதிவு செய்து கொள்ளுமாறு தெற்கு ரெயில்வே அறிவுறுத்தியுள்ளது.