8000 கன அடியாக குறைந்த தர்மபுரி ஒகேனக்கல் நீர்வரத்து...!

கர்நாடகா மாநிலத்தில் காவிரி நீர்ப்பிடிப்பு பகுதிகளில் பெய்து வந்த மலையின் அளவு குறைந்து வருகிறது. இதன் காரணமாக கபினி அணைக்கும், கிருஷ்ணராஜசாகர் (கே.ஆர்.எஸ்.) அணைக்கும் நீர்வரத்து வெகுவாக குறைந்தது.

இந்த 2 அணைகளிலிருந்தும் தமிழகத்துக்கு காவிரி ஆற்றில் திறந்து விடப்படும் நீரின் அளவும் சரிந்துள்ளது.இதனால் தர்மபுரி சுற்றுலாத் தலமான ஒகேனக்கல்லுக்கு நேற்று காலை 12000 கன அடியாகவும்,மாலையில் 9,500 கன அடியாகவும் குறைந்தது.

இதைத் தொடர்ந்து,இன்று காலை 8 மணி நிலவரப்படி 8000 கன அடியாக தண்ணீர் குறைந்து வந்தது.இருந்தும், சினிபால்ஸ், மெயின் அருவி, ஐந்தருவி உள்ளிட்ட அருவிகளில் தண்ணீர் ஆர்ப்பரித்து கொட்டுகிறது.

இதனால் தற்போது சுற்றுலா பயணிகள் பரிசல் பயணம் செய்து காவிரி ஆற்றின் அழகை ரசித்ததோடு,அவர்கள் மெயின் அருவியில் ஆனந்தமாக குளித்து மகிழ்ந்தனர்.

மத்திய நீர்வளத்துறை அதிகாரிகள், காவிரி ஆற்றில் நீர்வரத்தை தமிழக-கர்நாடக எல்லையான பிலிகுண்டுலுவில் தொடர்ந்து கண்காணித்து வருகின்றனர்.