சென்னை தண்​டை​யார்​பேட்டை நேரு நகர் 11-வது தெருவை சேர்ந்​தவர் பிரபல ரவுடி பங்​காரு என்கிற 21 வயதுடைய அருண். இவர் சி கேட்​டகரி ரவுடி​யும் சரித்​திர பதிவேடு குற்​ற​வாளி​யு​மாவார். அருண் மீது கொருக்​குப்​பேட்​டை, தண்​டை​யார்​பேட்டை உள்​ளிட்ட பல்​வேறு காவல் நிலை​யங்​களில் கொலை, கொலை முயற்​சி, அடிதடி உட்பட 10-க்கும் மேற்​பட்ட குற்ற வழக்​கு​கள் நிலு​வை​யில் உள்​ளது.

இந்நிலையில் கடந்த 06 மாதங்​களுக்கு முன்பு ரவுடி அருண் கொடுங்​கையூர் எழில் நகர் 09-வது தெரு​வில் உள்ள குடிசை மாற்று வாரிய குடி​யிருப்​பில் தாயுடன் குடியேறி​யுள்ளார். நேற்று முன்​தினம் இரவு சுமார் 10 மணி​யள​வில் ரவுடி அருண் தனது காதலி தர்​ஷினி உடன் வீட்​டில் பேசிக் கொண்​டிருந்​துள்ளார்.

அப்​போது இருசக்கர வாக​னத்​தில் வந்த 06 பேர் கொண்ட கும்​பல் வீட்​டினுள் புகுந்து அருணை காதலி கண்​முன்னே வெட்டி கொலை செய்து விட்டு தப்​பிச் சென்றுள்ளனர். கும்பலால் வெட்டப்பட்ட ரவுடி அருண் ரத்த வெள்​ளத்​தில் சம்பவ இடத்​திலேயே உயி​ரிழந்​துள்ளார். இதனைப் பார்த்து அதிர்ச்சி அடைந்த காதலி தர்​ஷினி கதறி அழுததைப் பார்த்த அக்​கம் பக்​கத்​தினர் ஓடிவந்து அருணை மீட்டு ஸ்டான்லி மருத்​து​வ​மனைக்கு கொண்டு சென்றுள்ளனர்.

இந்த சம்​பவம் குறித்து உடனடியாக தகவல் அறிந்த கொடுங்​கையூர் போலீஸார் மருத்​து​வ​மனைக்கு விரைந்து சென்றுள்ளனர். அங்கு கொலை​யான ரவுடி அருண் உடலை மீட்டு வழக்குப் பதிவு செய்து விசா​ரணை மேற்​கொண்டு வரு​கின்​றனர்.‌ 

போலீசார் ரவுடி அருண் கொலைக்​கான காரணம் என்ன..? அவரை கொலை செய்தவர்கள் யார்..? முன்விரோதம் காரண​மாக இந்த கொலை நடை​பெற்​றதா..? என பல கோணங்​களில் விசா​ரணை நடத்தி வரு​கின்​றனர். அத்துடன் கொலை செய்த 06 பேர் கொண்ட கும்​பலை தீவிர​மாக தேடி வரு​கின்​றனர். இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.