குறைவதை போல் குறைந்து ஒரேயடியாக உயர்ந்த தங்கத்தின் விலை.. இன்றைய விலை நிலவரம்.!
25.08.2022 gold Price
உலகம் முழுவதும் கடந்த ஆண்டு ஏற்பட்ட தொழில்துறை தேக்கத்தின் காரணமாக உலகம் முழுவதும் முதலீட்டாளர்கள் பாதுகாப்பான முதலீடுகளின் பக்கம் திரும்பி வருகின்றனர். பங்குச் சந்தை, ரியல் எஸ்டேட், அமெரிக்க டாலர்கள் என மற்ற பலவற்றில் இருந்த முதலீடுகளை தற்போது தங்கத்தின் மீது முதலீடு செய்து வருகின்றனர்.
அதனால், தங்கத்தின் தேவை அதிகரித்து வருகிறது. அதன் காரணமாகவே தங்கத்தின் விலை அவ்வப்போது ஏற்ற இறக்கம் நிலவி வந்த நிலையில் இன்று தங்கத்தின் விலை அதிகரித்துள்ளது.
சென்னையில் 22 காரட் ஆபரணத் தங்கத்தின் விலை நேற்று நிலவரப்படி ஒரு கிராம் ரூ.4,805க்கும், ஒரு சவரன் ரூ.38,440க்கும் விற்பனை செய்யப்பட்து.
இந்த நிலையில் சென்னையில் இன்று (ஆகஸ்ட் 25) தங்கத்தின் விலை அதிரடியாக அதிகரித்துள்ளது. கிராம் ஒன்றுக்கு 25 ரூபாய் உயர்ந்து ரூ.4,830 ஆகவும், சவரனுக்கு ரூ.200 அதிகரித்து, ரூ.38,640ஆகவும் விற்பனை செய்யப்படுகிறது.