நியூசிலாந்து அணி தென் ஆப்பிரிக்காவை 50 ரன்கள் வித்தியாசத்தில் வீழ்த்தி சாம்பியன்ஸ் டிராபி 2025 இறுதிப் போட்டிக்கு முன்னேறியுள்ளது. மார்ச் 9-ம் தேதி துபாய் சர்வதேச மைதானத்தில் இந்தியா மற்றும் நியூசிலாந்து அணிகள் சாம்பியன் பட்டத்திற்காக மோதவிருக்கின்றன.

நியூசிலாந்து அணி அரையிறுதியில் சூப்பராக விளையாடியது. கேன் வில்லியம்சன் (102) மற்றும் ரச்சின் ரவீந்திரா (108) இருவரும் சதமடித்து அபாரமான தொடக்கத்தை ஏற்படுத்தினர். இதன் மூலம், நியூசிலாந்து 362 ரன்கள் குவித்து ஐசிசி சாம்பியன்ஸ் டிராபி வரலாற்றில் அதிகபட்ச ஸ்கோரை பதிவு செய்தது.

தென்னாப்பிரிக்கா கடின இலக்கை சேஸ் செய்ய முயன்றாலும், 312 ரன்கள் மட்டுமே எடுத்து 50 ரன்கள் வித்தியாசத்தில் தோல்வி அடைந்தது. டேவிட் மில்லர் தனியாக போராடி 67 பந்துகளில் 100 ரன்கள் அடித்தார், ஆனால் அவருடைய போராட்டம் வெற்றிக்காக போதுமானதாக இருக்கவில்லை.

இந்திய அணி இந்த தொடரில் அஜேயமாக விளையாடி வருகிறது. அரையிறுதியில் ஆஸ்திரேலியாவை வீழ்த்தி ஃபைனலுக்கு முன்னேறியுள்ளது. இந்தியா இதுவரை ஒரு போட்டியிலும் தோல்வி அடைந்ததில்லை.

நியூசிலாந்து அணியின் ஒரே தோல்வி இந்த தொடரில் இந்தியாவிடம் ஏற்பட்டது. ஆனாலும், அவர்களின் பேட்டிங், பவுலிங், ஃபீல்டிங் எல்லாமே சிறப்பாக அமைந்துள்ளதால், ஃபைனலில் கடும் போட்டி நடைபெறப்போகிறது.

இந்தியாவும், நியூசிலாந்தும் ஐசிசி சாம்பியன்ஸ் டிராபி இறுதிப் போட்டியில் மோதுவது இது இரண்டாவது முறை.2000-ம் ஆண்டு நடந்த ஃபைனலில் நியூசிலாந்து இந்தியாவை 4 விக்கெட் வித்தியாசத்தில் வீழ்த்தியது.அப்போது கிறிஸ் கிரெயின்ஸ் 102 ரன்கள் அடித்து அசத்தினார்.இந்தியா அணியின் கேப்டன் சவுரவ் கங்குலி 117 ரன்கள் அடித்து சிறப்பாக விளையாடினார்.சச்சின் டெண்டுல்கரும் 69 ரன்கள் எடுத்தார்.

இந்த தொடரில் இந்தியா துபாய் மைதானத்தில் 4 போட்டிகளில் விளையாடி அனைத்திலும் வெற்றி பெற்றுள்ளது, அதில் அரையிறுதிப் போட்டியும் அடங்கும்.இந்தியாவின் இந்த மைதானத்தில் அதிகபட்ச சேஸ் ஸ்கோர் 264 ரன்கள் மட்டுமே.ஆனால், நியூசிலாந்து அணிக்கு 362 ரன்கள் அடிக்கும் ஆற்றல் இருக்கிறது, இது மிகப்பெரிய சவாலாக இருக்கும்.கடந்த 10 ஆண்டுகளில் இந்த மைதானத்தில் மிக அதிகபட்ச ஸ்கோர் 355/5 (இங்கிலாந்து vs பாகிஸ்தான்).சேஸ் செய்யப்பட்ட அதிகபட்ச ஸ்கோர் 287/8, இதை விட அதிக ஸ்கோர் சேஸ் செய்ததில்லை.

இந்தியா மற்றும் நியூசிலாந்து அணிகள் இரண்டும் மிக வலுவானதாக உள்ளதால், இது ஒரு மாபெரும் டஃப் ஃபைட் ஆக இருக்கும். இரு அணிகளிடமும் முழுமையான வீரர்கள், சிறந்த பேட்டிங், பவுலிங் ஆற்றல் உள்ளதால், யார் வெற்றியாளராக இருப்பார்கள் என்பது ரசிகர்கள் எதிர்பார்க்கும் முக்கியமான கேள்வியாக உள்ளது.