#BREAKING || இந்திய அணி ஆல்-அவுட்., விராட்கோலி அசத்தலான ஆட்டம்.!
IND v SAF FINAL TEST
கேப்டவுன் நகரில் இன்று தென்னாப்பிரிக்க அணிக்கு எதிரான டெஸ்ட் போட்டியில், இந்திய அணி தனது முதல் இன்னிங்சில் அனைத்து விக்கெட்களையும் இழந்து 223 ரன்கள் சேர்த்துள்ளது.
இந்திய-தென் ஆப்பிரிக்கா அணிகளுக்கு இடையேயான டெஸ்ட் தொடரின் கடைசி ஆட்டம் இன்று தொடங்கியுள்ளது. இந்த தொடரில் இரு அணிகளும் தலா ஒரு புள்ளிகளுடன் சமநிலையில் உள்ளது.
இந்த நிலையில், தொடரை வெல்வதற்கான இன்றைய ஆட்டத்தில் டாஸ் வென்ற இந்திய அணி முதலில் பேட்டிங் செய்ய களமிறங்கியது. தொடக்க ஆட்டக்காரர்களாக களம் இறங்கிய கேஎல் ராகுல் 12 ரன்னுக்கும், மயங்க் அகர்வால் 15 ரன்களுக்கும் ஆட்டமிழந்தனர்.
இதனைத்தொடர்ந்து புஜாராவுடன் கைகோர்த்த விராட் கோலி அசத்தலான ஆட்டத்தை வெளிப்படுத்தினார். புஜாரா 43 ரன்களுக்கு ஆட்டமிழந்த போதிலும், விராட்கோலி அசத்தலான தனது ஆட்டத்தை வெளிப்படுத்தி 79 ரன்கள் குவித்து தனது விக்கெட்டை பறிகொடுத்தார்.
அதனைத் தொடர்ந்து வந்த வீரர்கள் சொற்ப ரன்களில் தங்களது விக்கெட்டுகளை பறிகொடுத்தனர். குறிப்பாக ரிஷப் பண்ட் மட்டும் 27 ரன்கள் சேர்த்தார். இறுதியில் இந்திய அணி அனைத்து விக்கெட்டுகளையும் இழந்து தனது முதல் இன்னிங்சில் 223 ரன்களை சேர்த்துள்ளது.