வாய் இல்லாத உயிரின் அழுகை...! - பெங்களூருவில் நாய் கொலை வீடியோ அதிர்ச்சி...!
cry mouthless creature Shocking video dog killing Bengaluru
பெங்களூரு பாகலூர் காவல் வரம்புக்குள் உள்ள ஒரு உயர்நிலை அடுக்குமாடி குடியிருப்பில், மனிதநேயத்தையே கேள்விக்குள்ளாக்கும் ஒரு கொடூர சம்பவம் நடந்துள்ளது.அந்த குடியிருப்பில் வசித்து வந்தவர் ராஷி பூஜாரி, எம்.பி.ஏ. படித்து வரும் மாணவி. கடந்த நான்கு ஆண்டுகளாக, அவர் தன் வீட்டில் “ஜீகுகூவா” இனத்தைச் சேர்ந்த இரண்டு நாய்களை தன் குழந்தைகளைப் போலவே வளர்த்து வந்தார்.அவர் கல்லூரிக்குச் செல்லும் நேரங்களில் நாய்களை கவனிக்க புஷ்பலதா என்ற வேலைக்கார பெண் நியமிக்கப்பட்டிருந்தார்.

அவள் தினமும் நாய்களுக்கு உணவு அளிப்பது, நடைபயிற்சிக்கு அழைத்துச் செல்வது போன்ற பணிகளைச் செய்துவந்தாள்.ஆனால், கடந்த அக்டோபர் 31-ஆம் தேதி, அவள் இரண்டு நாய்களையும் நடைபயிற்சிக்குக் கொண்டு சென்ற சில நிமிடங்களுக்குப் பிறகு, “ஒரு நாய் மாடியில் இருந்து தவறி விழுந்து இறந்துவிட்டது” என்று ராஷி பூஜாரியிடம் தெரிவித்தாள்.
இதைக் கேட்ட ராஷி பூஜாரி துயரத்தில் தத்தளித்தார். இருப்பினும், காவலாளியிடம் விசாரித்தபோது, “நாய் எதுவும் கீழே விழவில்லை” என்ற பதில் வந்தது. இது ராஷிக்குள் கடும் சந்தேகத்தை ஏற்படுத்தியது.உடனே அவர் குடியிருப்பில் உள்ள சிசிடிவி காட்சிகளை ஆய்வு செய்தார். அதில் தெரிந்த காட்சி அனைவரையும் அதிர்ச்சியில் ஆழ்த்தியது.புஷ்பலதா லிப்டில் நாயை வைத்து, கையில் பிடித்து தூக்கி கீழே ஓங்கி அடிப்பது அந்தக் கேமராவில் தெளிவாக பதிவாகி இருந்தது.
அந்த கொடூர தாக்குதலில் அந்த நாய் பரிதாபமாக உயிரிழந்தது. பின்னர் செத்த நாயை கயிற்றில் இழுத்துச் செல்வதும், மற்றொரு நாயை அழைத்துச் செல்வதும் வீடியோவில் காணப்பட்டது.இந்தக் காட்சிகளைப் பார்த்த ராஷி பூஜாரி மனமுடைந்து, அதை சமூக வலைதளங்களில் பகிர்ந்தார். சில மணி நேரங்களில் அந்த வீடியோ வைரலாகி, விலங்கு நேயர்களை அதிர்ச்சியடையச் செய்தது.இதனைத் தொடர்ந்து ராஷி பூஜாரி போலீசில் புகார் அளித்தார்.
பாகலூர் போலீசார் வழக்குப் பதிவு செய்து, குற்றவாளி புஷ்பலதாவை அதிரடியாக கைது செய்தனர்.இந்த விசாரணையில், புஷ்பலதா தமிழ்நாட்டைச் சேர்ந்தவர் என்றும், பெங்களூருவில் பல ஆண்டுகளாக வேலை செய்து வந்தவர் என்றும் தெரியவந்தது.வாய் இல்லாத உயிரை ஈவு இரக்கமின்றி அடித்து கொன்ற புஷ்பலதாவுக்கு எதிராக கடும் நடவடிக்கை எடுக்க வேண்டும் என்று விலங்குகள் நல ஆர்வலர்கள் வலியுறுத்தி வருகின்றனர்.
English Summary
cry mouthless creature Shocking video dog killing Bengaluru