தமிழ்நாடு சட்டசபை தேர்தல் இன்னும் சில மாதங்கள் மட்டுமே முன் இருப்பதால், மாநில அரசியல் களம் பரபரப்பாக மாறியுள்ளது. விஜய் தலைமையிலான தமிழக வெற்றிக் கழகம் (த.வெ.க.) முழு வேகத்திலும் தேர்தல் தயாரிப்பில் ஈடுபட்டு வருகிறது.

கட்சியின் அமைப்புகள் வலுப்படுத்தப்பட்டு, மாவட்ட, வார்டு மட்டங்களிலும் நிர்வாக கட்டமைப்புகள் விரிவாக்கப்பட்டுள்ளன.த.வெ.க. 128 மாவட்டங்களாக பிரிக்கப்பட்டு, மாவட்ட செயலாளர்களை நியமித்து, அவர்களின் செயல்பாடுகளை செயல்படுத்தி வருகிறது.

அதேபோல், வார்டு செயலாளர்களையும் நியமித்து, தி.மு.க., அ.தி.மு.க. போன்ற முன்னணி கட்சிகளுடன் ஒப்பிடத்தக்க நிர்வாக வலிமையான கட்டமைப்பை உருவாக்கியுள்ளது.

இந்நிலையில், 2026 சட்டமன்றத் தேர்தலுக்கான அதிகாரப்பூர்வ தேர்தல் சின்னமாக த.வெ.க.க்கு ‘விசில்’ சின்னம் இந்திய தேர்தல் ஆணையம் ஒதுக்கியுள்ளது.

த.வெ.க. பதிவு செய்யப்பட்ட, ஆனால் அங்கீகரிக்கப்படாத கட்சி என்பதால், 234 தொகுதிகளிலும் போட்டியிட பொதுச் சின்னம் கேட்டு விண்ணப்பித்தது.தலைமை வழங்கிய 10 விருப்பச் சின்னங்களில், விசில், ஆட்டோ, மட்டைப்பந்து, மடிக்கணினி, கப்பல், மைக்ரோஃபோன் உள்ளிட்டவை இடம்பெற்றிருந்தன.

கட்சியின் சார்பில், விசில் சின்னம் தேர்ந்தெடுக்கப்பட்டு அதிகாரப்பூர்வமாக ஒதுக்கீடு செய்யப்பட்டுள்ளது.விஜய்யின் ரசிகர்கள் மற்றும் பொதுமக்கள் மத்தியில் எளிதில் அடையாளம் காணப்படுவதால், விசில் சின்னம் த.வெ.க.க்கு முதன்மைத் தேர்தல் சின்னமாக மாறியுள்ளதாக அரசியல் வட்டாரங்கள் தெரிவித்துள்ளன.