தமிழக அரசியல் களம் தீவிர சூட்டில் கொதித்து கொண்டிருக்கிறது. வருகிற ஏப்ரல் 23-ஆம் தேதி நடைபெறவுள்ள சட்டசபைத் தேர்தலை முன்னிட்டு மாநிலம் முழுவதும் பரபரப்பான சூழல் நிலவுகிறது. மே 4-ஆம் தேதி வாக்கு எண்ணிக்கை நடைபெற்று அதே நாளில் முடிவுகள் வெளியிடப்படும் என அறிவிக்கப்பட்டுள்ளது.

இந்தத் தேர்தலில் திமுக கூட்டணி, அதிமுக கூட்டணி, தவெக மற்றும் நாம் தமிழர் கட்சி உள்ளிட்ட முக்கிய அரசியல் அணிகள் களம் இறங்கியுள்ளதால், நான்கு முனை கடும் போட்டி உருவாகி, ஒவ்வொரு வாக்கும் தீர்மானிப்பதாக மாறியுள்ளது.

இந்த சூழ்நிலையில், துணை முதல்வராக உள்ள உதயநிதி ஸ்டாலின் திமுக வேட்பாளருக்கு ஆதரவாக கோபிசெட்டிப்பாளையத்தில் தீவிர பிரசாரத்தில் ஈடுபட்டு, அரசியல் குற்றச்சாட்டுகளை முன்வைத்து உரையாற்றினார்.

அவர் பேசியதாவது,“ஒன்றிய பாஜக அரசு தமிழகத்திற்கு எந்தவிதமான பயனுள்ள திட்டங்களையும் வழங்கவில்லை. தேர்தல் தேதி அறிவிக்கப்பட்டதிலிருந்து பிரதமர் நரேந்திர மோடி தொடர்ந்து தமிழகத்திற்கு வருகை தந்து பிரசாரம் செய்து வருகிறார். ஆனால், மாநிலம் கோரிய நிதி ஆதரவுகளில் எந்த முன்னேற்றமும் இல்லை.

குறிப்பாக கல்வித் துறைக்கான ரூ.3,500 கோடி நிதி வழங்கப்படாமல் தாமதப்படுத்தப்படுவது தமிழகத்துக்கு செய்யப்பட்ட அநீதி என தெரிவிக்கப்படுகின்றதுமேலும், மும்மொழிக் கொள்கையை ஏற்க வேண்டும் என்ற நிபந்தனையுடன் கல்வி நிதி வழங்கப்படுவதாக கூறப்படுவது ஏற்றுக்கொள்ள முடியாதது.

இதன் மூலம் மீண்டும் தமிழகத்தில் இந்தி திணிப்பு முயற்சி மேற்கொள்ளப்படுகிறது என அவர் குற்றம்சாட்டினார்.அதேபோல், நாடாளுமன்றத்தில் கொண்டு வரப்பட்ட தொகுதி மறுவரையறை மசோதாவை முதன்மையாக எதிர்த்தவர் மு.க. ஸ்டாலின் என்றும், அந்த மசோதா தோற்கடிக்கப்பட்டது மதச்சார்பற்ற முற்போக்கு கூட்டணிக்கு கிடைத்த முக்கியமான அரசியல் வெற்றி என்றும் அவர் வலியுறுத்தியதாக தெரிவிக்கப்படுகின்றது.இந்த உரை தேர்தல் களத்தில் புதிய விவாதங்களை கிளப்பியுள்ளதுடன், அரசியல் சூழலை மேலும் தீவிரப்படுத்தியுள்ளது.