திமுக தலைவர் மு.க. ஸ்டாலின் வெளியிட்டுள்ள எக்ஸ் தளப் பதிவு அரசியல் அரங்கில் பெரும் அதிர்வலைகளை ஏற்படுத்தியுள்ளது. முன்னாள் அமைச்சர் எ.வ. வேலு இல்லத்தில் நடைபெற்று வரும் டி.வி.ஏ.சி சோதனை குறித்து அவர் தனது கடுமையான கண்டனத்தை வெளிப்படுத்தியுள்ளார்.

திருவண்ணாமலை தெற்கு மாவட்டக் கழகச் செயலாளரும், முன்னாள் அமைச்சருமான எ.வ. வேலுவின் இல்லத்தில் தமிழ்நாடு அரசின் டி.வி.ஏ.சி சோதனை நடைபெற்று வருகிறது.

இந்த விசாரணை நடவடிக்கைக்கு எ.வ. வேலு முழுமையான ஒத்துழைப்பை வழங்கி வருகிறார். சட்டத்தின் அடிப்படையில் இந்த விவகாரத்தை நேர்மையாக எதிர்கொண்டு, நீதிமன்றத்தில் தனது தரப்பின் நியாயத்தை உறுதியாக நிலைநாட்டுவார்.அரசியல் பழிவாங்கும் எண்ணமே இத்தகைய நடவடிக்கைகளின் பின்னணியில் இருப்பதாக திமுக தலைவர் குற்றம்சாட்டியுள்ளார்.

திமுக ஆட்சிக் காலத்தில் ஊழல் குற்றச்சாட்டுகளை முன்வைத்து தொடுக்கப்பட்ட பல வழக்குகளில் இதுவரை ஒரு வழக்கில்கூட குற்றச்சாட்டுகளை நிரூபிக்க முடியாததே வரலாற்று உண்மை என அவர் சுட்டிக்காட்டியுள்ளார்.

ஆளுங்கட்சியின் மிரட்டல் அரசியலுக்கு அச்சப்படும் இயக்கம் திமுக அல்ல. இதைவிட கடுமையான அடக்குமுறைகளையும் அரசியல் சவால்களையும் எதிர்கொண்டு வெற்றிகரமாக பயணித்த இயக்கம்தான் திமுக என அவர் வலியுறுத்தியுள்ளார்.

எந்தவித அரசியல் அழுத்தங்களாலும் திமுகவை முடக்க முடியாது. தற்போதைய இந்த சோதனையையும் உறுதியுடனும் தைரியத்துடனும் எதிர்கொண்டு, மீண்டும் வெற்றியை பதிவு செய்வோம் என்ற நம்பிக்கையை மு.க. ஸ்டாலின் தனது பதிவின் மூலம் வெளிப்படுத்தியுள்ளார்.