குறைந்து வந்த ஒகேனக்கல் நீர்வரத்து.. எவ்வளவு கன அடி தெரியுமா?

கர்நாடகா மாநிலம் காவிரி நீர்ப்பிடிப்பு பகுதிகளில் தொடர்ந்து மழை பெய்து வருவதால்,கபினி அணையும், கிருஷ்ணராஜசாகர் (கே.ஆர்.எஸ்.) அணைகளுக்கு நீர்வரத்து அதிகரிக்கத் தொடங்கியுள்ளது. இதன் காரணமாக அணைகளின் பாதுகாப்பு கருதி இரு அணைகளிலிருந்து தமிழக காவிரி ஆற்றில் பாசனத்திற்காக தண்ணீர் அடிக்கடி திறந்து விடப்பட்டு வருகிறது.

இந்த சூழ்நிலையில் தர்மபுரி மாவட்டம் ஒகேனக்கல்லுக்கு நேற்று 18000 கன அடியாக வந்து கொண்டிருந்தது.இதைத் தொடர்ந்து, இன்று காலை 8 மணி நிலவரப்படி நீர்வரத்து 14000 கனஅடியாக குறைந்தது.

இருப்பினும் சினிபால்ஸ், ஐந்தருவி, மெயின் அருவி உள்ளிட்ட அருவிகளில் தண்ணீர் ஆர்ப்பரித்து வருகிறது.இதனால் ஒகேனக்கல்லில் சுற்றுலா பயணிகளின் கூட்டம் சற்று குறைந்தே காணப்பட்டது.

மேலும், அருவிகளில் குளிக்கவும், பரிசல் சவாரி செய்யவும் எந்த தடையம் விதிக்க வில்லை.மத்திய நீர்வளத்துறை அதிகாரிகள், காவிரி ஆற்றில் நீர்வரத்தை தமிழக-கர்நாடக எல்லையான பிலிகுண்டுலுவில் தொடர்ந்து கண்காணித்து வருகின்றனர்.