திருநெல்வேலி / சென்னை: "திருப்பரங்குன்றம் அயோத்தியாக மாறுவதில் தவறில்லை. அயோத்தி இந்தியாவில் தானே இருக்கிறது" என்று பாஜக மாநிலத் தலைவர் நயினார் நாகேந்திரன் பேசிய கருத்துக்கு, திமுக துணைப் பொதுச் செயலாளரும் எம்.பி.யுமான கனிமொழி தனது எக்ஸ் (X) தளத்தில் பதிலடி கொடுத்துள்ளார்.

நயினார் நாகேந்திரனின் கருத்து
திருநெல்வேலியில் செய்தியாளர்களைச் சந்தித்த நயினார் நாகேந்திரன், திருப்பரங்குன்றம் மலை தீப விவகாரம் குறித்துப் பேசினார். அப்போது அவர் கூறியதாவது:

அயோத்தி ஒப்பீடு: "திருப்பரங்குன்றம் அயோத்தியாக மாறுவதில் தவறில்லை. அயோத்தி இந்தியாவில் தானே இருக்கிறது."

ராமரின் ஆட்சி: தேசிய ஜனநாயகக் கூட்டணியின் (NDA) ஆட்சி ராமரின் ஆட்சியாக இருக்கும்.

சனாதன தர்மம்: சனாதன தர்மத்தை அழிப்பதற்கான ஆரம்ப கட்டப் பணிகளில் ஈடுபடுகிறார்களா? என்றும் அவர் கேள்வியெழுப்பினார்.

இஸ்லாமியர் எதிர்ப்பு இல்லை: திருப்பரங்குன்றத்தில் தீபம் ஏற்ற எந்த இஸ்லாமியரும் எதிர்ப்பு தெரிவிக்கவில்லை என்றும் அவர் குறிப்பிட்டார்.

கனிமொழியின் பதிலடி
நயினார் நாகேந்திரனின் இந்தக் கருத்துக்கு, திமுக எம்.பி. கனிமொழி உடனடியாகத் தனது 'எக்ஸ்' (X) தளப் பக்கத்தில் கடும் பதிலடி கொடுத்துள்ளார்.

அதில், "எந்த அயோத்தி போல தமிழ்நாடு மாற வேண்டும்?

கடந்த தேர்தலில் ஆர்.எஸ்.எஸ் - பாஜகவைப் படுதோல்வி அடையச் செய்து, மக்கள் தூக்கியெறிந்த ஃபைசாபாத் தொகுதியில் உள்ள அயோத்தியைப் போலவா?

கவலை வேண்டாம்! அப்படி தான் தமிழ்நாடு பல ஆண்டுகளாக இருந்து வருகிறது" என்று தெரிவித்துள்ளார்.

எந்த அயோத்தி போல தமிழ்நாடு மாற வேண்டும்?

கடந்த தேர்தலில் ஆர்.எஸ்.எஸ் - பாஜகவைப் படுதோல்வி அடையச் செய்து, மக்கள் தூக்கியெறிந்த ஃபைசாபாத் தொகுதியில் உள்ள அயோத்தியைப் போலவா?

கவலை வேண்டாம்! அப்படி தான் தமிழ்நாடு பல ஆண்டுகளாக இருந்து வருகிறது. https://t.co/HSNek4GmAJ

— Kanimozhi (கனிமொழி) (@KanimozhiDMK) December 6, 2025