தமிழக அரசியல் களம் 2026 தேர்தலை நோக்கி நகர்ந்து கொண்டிருக்கும் வேளையில், திமுக கொள்கை பரப்பு இணைச் செயலாளர் சபாபதி மோகன் வீசியுள்ள ஒரு 'அரசியல் குண்டு' விவாதங்களைச் சூடாக்கியுள்ளது.

தமிழக பாஜக-வின் முன்னாள் தலைவர் அண்ணாமலை குறித்து சபாபதி மோகன் தெரிவித்தாவது, "வரும் தேர்தலுக்கு முன்பாகவே தமிழக அரசியலில் ஒரு புதிய கட்சி உருவாகப் போகிறது; அந்தத் தத்துவத்தைத் தாங்கி வருபவர் அண்ணாமலைதான் என அவர் குறிப்பிட்டுள்ளார்.

பாஜக-வில் 'கவுண்டவுன்': "அண்ணாமலை பாஜக-வில் இருக்கும் நாட்கள் எண்ணப்பட்டு வருகின்றன" என்று கூறிய அவர், விரைவில் அண்ணாமலை அக்கட்சியில் இருந்து வெளியேற்றப்படவோ அல்லது அவராகவே விலகவோ வாய்ப்புள்ளதாகத் தெரிவித்தார்.

ஊடக வெளிச்சம்: தினமும் தொலைக்காட்சிகளில் பேட்டி கொடுத்துத் தன்னை எப்போதும் பேசுபொருளாகவே வைத்திருக்கும் அண்ணாமலை, அதைப் பயன்படுத்தியே தனது புதிய பயணத்தைத் தொடங்கத் திட்டமிட்டுள்ளதாகச் சாடியுள்ளார்.

அரசியல் பின்னணி:
பாஜக மேலிடத்திற்கும் அண்ணாமலைக்கும் இடையே சில கருத்து வேறுபாடுகள் இருப்பதாக ஏற்கனவே ஊடகங்களில் விவாதங்கள் நடந்து வரும் நிலையில், திமுக தரப்பிலிருந்து வந்துள்ள இந்த "புதிய கட்சி" தகவல் அரசியல் வட்டாரத்தில் பெரும் சலசலப்பை ஏற்படுத்தியுள்ளது.

"அண்ணாமலை உண்மையிலேயே தன் சொந்தப் பாதையை உருவாக்கப் போகிறாரா அல்லது இது திமுக-வின் வழக்கமான 'அரசியல் சூழ்ச்சி' தானா என்பது இன்னும் சில மாதங்களில் தெரிந்துவிடும்!"