சமையலறை அலமாரிகளில் படியும் எண்ணெய் பிசுக்கும் அழுக்குகளும் பல இல்லத்தரசிகளுக்கு தலைவலியாக மாறி வருகின்றன. குறிப்பாக அடுப்பை ஒட்டிய பகுதிகளில் புகை, எண்ணெய் ஆவி மற்றும் உணவுத் துகள்கள் சேர்ந்து ஒட்டுண்டு படலமாக மாறிவிடுகின்றன. இதை சரியாக சுத்தம் செய்யாமல் விட்டால் அலமாரியின் பொலிவும் சுகாதாரமும் பாதிக்கப்படும் என நிபுணர்கள் தெரிவிக்கின்றனர்.

வெள்ளை வினிகர் மற்றும் வெதுவெதுப்பான நீர் கலவை எண்ணெய் படலங்களை எளிதில் கரைக்க உதவுகிறது. இந்தக் கலவையை அலமாரிகளில் தெளித்து சில நிமிடங்கள் கழித்து மென்மையான துணியால் துடைத்தால் பிசுபிசுப்பு விரைவில் அகலும்.

மரம் மற்றும் லேமினேட் அலமாரிகளுக்கும் இது பாதுகாப்பான முறையாக கருதப்படுகிறது.பிடிவாதமான கிரீஸ் கறைகளுக்கு சமையல் சோடா மற்றும் பாத்திரம் கழுவும் திரவத்தை கலந்து விழுதாக பயன்படுத்தலாம்.

இதை கறை படிந்த இடங்களில் தடவி மெதுவாக தேய்த்தால் பழைய அழுக்குகளும் நீங்கிவிடும். சமையல் சோடா மேற்பரப்பில் கீறல் ஏற்படாமல் சுத்தம் செய்ய உதவுகிறது.

அதேபோல் எலுமிச்சைச் சாறு துர்நாற்றத்தை போக்கி புத்துணர்ச்சியான மணத்தை தருகிறது. மூலைப்பகுதிகள் மற்றும் கைப்பிடிகளை பழைய பல் துலக்கி கொண்டு சுத்தம் செய்தால் மறைந்திருக்கும் எண்ணெய் படிவங்களும் அகற்றப்படுகின்றன.

வாரத்திற்கு ஒருமுறை அலமாரிகளை துடைத்து பராமரிப்பதுடன், சமையலின் போது புகையை வெளியேற்ற சிம்னி அல்லது எக்ஸாஸ்ட் விசிறி பயன்படுத்துவது அழுக்கு சேர்வதை குறைக்கும் என நிபுணர்கள் தெரிவிக்கின்றனர்.