துபாயில் நடந்த சர்வதேச விமான கண்காட்சியில் வான் சாகசத்தின்போது இந்திய விமானப் படையின் தேஜஸ் போர் விமானம் விழுந்து நொறுங்கி, விமானி விங் கமாண்டர் நமன்ஷ் சியால் வெள்ளிக்கிழமை உயிரிழந்தார். இந்நிலையில், அவர் விமானத்தை இயக்கச் செல்லும் முன் புன்னகையுடன் இருந்த ஒரு வீடியோ சமூக வலைதளங்களில் வெளியாகிப் பலரையும் சோகத்தில் ஆழ்த்தியுள்ளது.

விபத்து: துபாயில் நடந்த சாகசத்தின்போது, 37 வயதான நமன்ஷ் சியால் இயக்கிய இலகு ரக தேஜஸ் போர் விமானம் திடீரெனத் தரையில் விழுந்து தீப்பிடித்ததில் அவர் வீரமரணம் அடைந்தார்.

கடைசி வீடியோ

Life is so unpredictable !
Wing Commander Namansh Syal smiling moments before taking to the skies at the Dubai Air Show.
Travel Well Brother..May your final flight be peaceful ✈️ ❤️ Salute 🇮🇳🙏 pic.twitter.com/7OXt8J5FnI

— Major Surendra Poonia (@MajorPoonia) November 22, 2025

வைரல் காட்சி: விங் கமாண்டர் நமன்ஷ் சியால், சாகசத்திற்காக நிறுத்தப்பட்டிருந்த தேஜஸ் விமானத்தை இயக்குவதற்காகச் சென்று கொண்டிருந்தபோது, புன்னகையுடன் பதிவான ஒரு வீடியோவை மேஜர் சுரேந்திர பூனியா என்பவர் சமூக வலைதளப் பக்கத்தில் வெளியிட்டுள்ளார்.

அதுவே அவரது கடைசி வீடியோவாகவும், அந்த விமானப் பயணமே அவரது இறுதிப் பயணமாகவும் இருக்கும் என அப்போது யாரும் அறிந்திருக்கவில்லை. 'வாழ்க்கை கணிக்க முடியாதது' என்ற கருத்துடன் இந்த வீடியோ பரவி வருகிறது.

இந்திய விமானப் படை, வீரமரணமடைந்த நமன்ஷ் சியாலுக்கு ஆழ்ந்த இரங்கல் தெரிவித்து, "சற்றும் தளராத அர்ப்பணிப்பு, எங்குமே காணப்படாத திறமை, குறையாத கடமை உணர்வு" ஆகியவற்றுடன் நாட்டுக்காகப் பணியாற்றியவர் என்று அவருக்குப் புகழாரம் சூட்டியுள்ளது.