சுவிஸ் காற்றுத் தரக் கண்காணிப்பு நிறுவனமான IQAir வெளியிட்டுள்ள 2025ஆம் ஆண்டிற்கான உலகக் காற்றுத் தர அறிக்கையின்படி, உலகின் மிகவும் மாசுபட்ட நாடுகளின் பட்டியலில் பாகிஸ்தான் முதலிடம் பிடித்துள்ளது. 2026 மார்ச் 24 அன்று வெளியான இந்த அறிக்கை, நுண்துகள் மாசுபாட்டை (PM2.5) அடிப்படையாகக் கொண்டு 143 நாடுகளைத் தரம் பிரித்துள்ளது.

இதில் வங்காளதேசம் (66.1 µg/m³) இரண்டாவது இடத்திலும், தஜிகிஸ்தான் (57.3 µg/m³) மூன்றாவது இடத்திலும் உள்ளன. சாட் மற்றும் காங்கோ ஜனநாயகக் குடியரசு ஆகிய நாடுகள் அடுத்தடுத்த இடங்களைப் பிடித்துள்ளன. உலக சுகாதார அமைப்பின் (WHO) பரிந்துரைக்கப்பட்ட அளவை விட இந்த நாடுகளில் மாசுபாடு 10 மடங்குக்கும் அதிகமாக இருப்பது கவலைக்குரியதாக உள்ளது.

இந்தியா கடந்த எட்டு ஆண்டுகளில் முதன்முறையாக முதல் ஐந்து இடங்களிலிருந்து வெளியேறி 6வது இடத்தைப் பிடித்துள்ளது. இந்தியாவின் சராசரி PM2.5 அளவு 49.8 µg/m³ ஆகப் பதிவாகியுள்ளது.

இருப்பினும், உலகிலேயே மிகவும் மாசுபட்ட நகரமாக உத்தரப் பிரதேசத்தின் லோனி (Loni) முதலிடம் பிடித்துள்ளது குறிப்பிடத்தக்கது. அதேசமயம், லா நினா காலநிலை மாற்றத்தால் ஏற்பட்ட மழைப்பொழிவு காரணமாக இந்தோனேஷியா, கம்போடியா போன்ற தென்கிழக்கு ஆசிய நாடுகளில் காற்று மாசு சற்றே குறைந்துள்ளது.

நகரமயமாதல் மற்றும் தொழில்சாலைப் புகையினால் அதிகரித்து வரும் இந்த மாசுபாடு, சுவாச மற்றும் இதய நோய்களுக்கு முக்கியக் காரணமாக அமைவதால் நாடுகள் விரைந்து நடவடிக்கை எடுக்க வேண்டியது அவசியமாகிறது.