ஓபன் ஏஐ நிறுவனம் ChatGPT உலக அளவில் இப்போது மிக முக்கிய தொழில்நுட்பமாக  பெரும்பாலானவர்களுக்கு அமைந்துள்ளது. தமக்கு ஏற்படும் சின்ன சின்ன சந்தேகங்கள் முதல், புரியாத புதிர்களுக்கு கூட இதில் விடை கிடைக்கும் வகையில் உருவாக்கப்பட்டுள்ளது.

இதுவரை ChatGPT பயனர்கள் தனிநபராக இதில் சாட் செய்து வந்தனர்  இனிமேல் குழுவாகவும் இணைந்து சாட் செய்யும் வகையில் அப்டேட் செய்யப்பட்டுள்ளது. இதை கட்டணம் செலுத்தாத சந்தாதாரர்களும் பயன்படுத்தலாம் என்பது கூடுதல் விசேஷம். இருந்தாலும் அவர்களுக்கு சாட்பாட்டின் ரெஸ்பான்ஸ் குறிப்பிட்ட வரையறைக்குள் லிமிடெடாக இருக்கும் என்று கூறப்படுகிறது.

ChatGPT-இல் குரூப் சாட் செய்வது எப்படி ன்பதை பார்க்கலாம்.

அதாவது, பயனர்கள் ChatGPT சாட்பாட்-ல் குரூப் சாட் அம்சத்தை பயன்படுத்த லாக்-இன் செய்திருக்க வேண்டும். அதன் பின்னர் சாட்பாட்டின் முகப்பு பக்கத்தில் மேல்புறம் உள்ள குரூப் சாட் ஐகானை கிளிக் செய்தவுடன் அதற்கான லிங்க் வரும்.அதை பயனர்கள் பிறருக்கு அனுப்பி அதன் மூலம், குரூப் சாட்டில் இணையுமாறு அவர்களுக்கு அழைப்பு கொடுக்க முடியும்.

இந்த குரூப் சாட்டில் அதிகபட்சம் 20 பேர் வரை ஒரே நேரத்தில் இணையலாம். இதில் குழு பயனர்களின் விவாதங்களோடு ChatGPT-யும் பதில் தரும். அதே சமயங்களில் குழு நபர்களின் ரெஸ்பான்ஸ்களுக்கு ரியாக்ட் செய்யும் வகையில் உள்ளது. குறிப்பாக பள்ளி, கல்லூரி, அலுவல் ப்ராஜெக்ட் தொடங்கி நண்பர்கள் பயணம் செல்வது தொடர்பாக திட்டமிடுவது வரை ChatGPT அளிக்கும் தகவல்களோடு குழுவாக இணைந்து அறியலாம். அத்துடன், இதில் பயனர்கள் தனிப்பட்ட முறையில் மேற்கொள்ளும் சாட்கள் தனியாக இருக்கும் என்பதும் குறிப்பிடத்தக்கது.