கேரளா சபரிமலை ஐயப்​பன் கோயி​ல் தங்​கம் திருட்டு தொடர்​பான 02 வழக்​கு​களில் கோயில் தந்​திரி​யான கண்​டரரு ராஜீவரு கைது செய்யப்பட்டு திரு​வனந்​த​புரம் மத்​திய சிறை​யில் அடைக்​கப்​பட்​டார். இந்த சம்பவம் பெரும் பரபரப்பை ஏற்படுத்தியது.

இந்நிலையில், ராஜீவருவின் ஜாமீன் மனு மீதான விசா​ரணை கொல்​லம் குற்​ற​வியல் நீதி​மன்​றத்​தில் நடை​பெற்​றது. குறித்த மனுவை விசா​ரித்த நீதி​மன்​றம் அவருக்கு ஜாமீன் வழங்​கியுள்ளது. வழக்கு விசா​ரணை​யின்போது தந்​திரி​யின் சார்​பில் நீதி​மன்​றத்​தில் ஆஜரான வழக்​கறிஞர் பேசுகையில் கூறியதாவது;

'உச்ச நீதி​மன்ற உத்​தர​வுப்​படி 2018-இல் சபரிமலை ஐயப்​பன் கோயி​லில் பெண்​கள் நுழைந்து தரிசனம் செய்ய கேரள மாநில அரசு அனு​ம​தித்​தது. அதற்கு அப்​போது கண்​டரரு ராஜீவரு கடும் எதிர்ப்பு தெரி​வித்​தார். அதற்கு பழி​வாங்​கும் நடவடிக்​கை​யாக இந்த தங்​கத் திருட்டு வழக்கை கேரள அரசு அதி​காரி​கள் தொடர்ந்​துள்​ளனர்.' என்று குறிப்பிட்டுள்ளார்.

அத்துடன், இந்த வழக்​கு விசாரணையில், கண்​டரரு ராஜீவருக்கு எதி​ராக எந்​தச் சாட்​சி​ய​மும் இல்லை என்று கொல்​லம் குற்​ற​வியல் நீதி​மன்​றம் தெரி​வித்​துள்​ளது. மேலும், அவரை வேண்​டுமென்றே கேரள போலீ​ஸார் கைது செய்து விசா​ரணை நடத்​தி​ய​தாக​வும், இது பழி வாங்​கும் நடவடிக்கை என்றும் எதிர்க்​கட்​சிகள் குற்​றம் சாட்​டி​யுள்​ளன.

அத்துடன், இந்த தங்​கம் திருட்டு வழக்​கில் முன்​னாள் தேவஸ்​வம் போர்டு அமைச்​சர் கடக்​கம்​பள்ளி சுரேந்​திரன் சம்​பந்​தப்​பட்​டுள்​ளார். அதை திசை திருப்​பவே தந்​திரி கண்​டரரு ராஜீவருவை கேரள போலீ​ஸார் கைது செய்​துள்​ளதாக பாஜக உள்​ளிட்ட எதிர்க்​கட்​சிகள் குற்​றம் சுமத்​தி​யுள்​ளன. 

மேலும், கண்​டரரு ராஜீவருவை கைது செய்​தது தொடர்​பாக கேரள அரசு உரிய விளக்​கம் அளிக்க வேண்​டும்​ என்​றும்​ எதிர்க்கட்சிகள் ​கோரிக்கை விடுத்துள்ளன.