இன்றைய காலக்கட்டத்தில், முழங்கால் வலி என்பது சிறியது முதல் பெரியவர்கள் வரை பலருக்கும் ஏற்படும் பொதுவான பிரச்சனையாகி விட்டது. ஒரே இடத்தில் நீண்ட நேரம் அமர்ந்திருக்க முடியாமல், நடக்க இயலாமல், இயற்கையான சுறுசுறுப்பை இழக்கச் செய்கிறது. வயதுமூப்பு, எலும்புத் தேய்மானம், உடல் பருமன், கணிசமான வேலை அழுத்தம் உள்ளிட்ட காரணங்களால் இந்த வலி ஏற்படுகிறது.

இந்நிலையில், விலை உயர்ந்த மருந்துகள் அல்லது பக்கவிளைவுகள் உள்ள க்ரீம்கள் போல் இல்லாமல், வீட்டிலேயே செய்யக்கூடிய ஒரு எளிய வழி உங்களுக்குத் தெரியுமா?

தீர்வு தேங்காய் எண்ணெயில்!

நம் வீட்டில் எப்போதும் இருக்கக்கூடிய தேங்காய் எண்ணெயில் சில இயற்கை மூலிகைகள் மற்றும் பொருட்களை கலந்து மசாஜ் செய்தால், வலி தணிந்து நிவாரணம் கிடைக்கும் என்று இயற்கை மருத்துவ நிபுணர்கள் கூறுகின்றனர்.

எந்தெந்த பொருட்கள் உதவுகிறது?

1. அஸ்வகந்தா பொடி
   தேங்காய் எண்ணெயில் சிறிதளவு அஸ்வகந்தா பொடியை கலந்து, தினமும் மெதுவாக முழங்காலில் தடவி வந்தால், வலியை கட்டுப்படுத்த முடியும். இது தூக்கத்தையும் மேம்படுத்தும்.

2. யூகலிப்டஸ் எண்ணெய்
   தேங்காய் எண்ணெயில் சில துளிகள் யூகலிப்டஸ் எண்ணெய் சேர்த்து தடவினால், அதன் அலர்ஜி எதிர்ப்பு பண்புகள் மூட்டு அழற்சியை குறைத்து வலியை தணிக்க உதவும்.

3. குங்குமப்பூ
   சிறிதளவு குங்குமப்பூவைக் கொண்டு தயாரிக்கப்படும் எண்ணெய் தடவல், இயற்கையான முறையில் வலியை கட்டுக்குள் கொண்டு வரும்.

4. வெந்தய விதை
   தேங்காய் எண்ணெயில் வெந்தய விதைகளை ஊற வைத்து, பிறகு வடிகட்டி அந்த எண்ணெயை மசாஜ் செய்து வந்தால், மூட்டு வலி குறையும். வெந்தயம் ஆன்டி-இன்ஃபிளமேட்டரி பண்புகளை கொண்டது.

5. எள் எண்ணெய் கலவை
   தேங்காய் எண்ணெயுடன் சிறிதளவு எள் எண்ணெயை கலந்து பயன்படுத்தினால், இரண்டும் சேர்ந்து நரம்புத் தளர்ச்சி மற்றும் வலி நிவாரணத்திற்கு வேலை செய்கின்றன.

6. கொத்தமல்லி விதை காய்ச்சி எண்ணெய்
   ஒரு ஸ்பூன் கொத்தமல்லி விதையை தேங்காய் எண்ணெயில் சேர்த்து காய்ச்சிக் கொண்டு, அதை வடிகட்டி மசாஜ் செய்யலாம். இதுவும் வலியை தணிக்க சிறந்த நிவாரணமாக அமையும்.

7. பச்சை கற்பூரம்
   தேங்காய் எண்ணெயுடன் பச்சை கற்பூரத்தை கலந்து தடவினால், அதன் குளிர்ச்சியான நிவாரண உணர்வும் கூடுதலாக கிடைக்கும்.

சிகிச்சை அல்ல, நிவாரணம்!

இந்த மூலிகை கலவைகள் உடனடியாக வலியை குறைக்கலாம். ஆனால் நீடித்த முழங்கால் வலி இருந்தால், அது எலும்பு சம்பந்தமான ஒரு பெரிய பிரச்சனையின் அறிகுறி இருக்கலாம் என்பதால் மருத்துவ ஆலோசனை பெறுவது அவசியம்.