பாலிவுட்டில் நீண்ட இடைவெளிக்குப் பிறகு, கவர்ச்சி குயின் மலைக்கா அரோரா மீண்டும் திரைக்கு வருகிறார்! ஆயுஷ்மான் குரானா மற்றும் ராஷ்மிகா மந்தனா நடிக்கும் ‘தம்மா’ திரைப்படத்தில், மலைக்கா ‘பாய்சன் பேபி’ என்ற ஐட்டம் பாடலுக்கு அசத்தலாக ஆடிவிட்டார்.

இந்த பாடல் வெளியானவுடன், இணையத்தில் வெட்கம் தெரியாமல் வைரலாகி வருகிறது. மலைக்காவின் துள்ளலான நடன அசைவுகள், கவர்ச்சியான தோற்றம் — ரசிகர்களை மெய்சிலிரக்க வைத்துள்ளது. நீண்ட காலம் திரை மறைந்திருந்த மலைக்கா, இந்தப் பாடலால் தன் புயலை மீண்டும் எழுப்பியிருக்கிறார்.

‘சய்யா சய்யா’, ‘முன்னி பத்னாம் ஹுயி’ போன்ற ஹிட் பாடல்களில் ரசிகர்களை மயக்கிய மலைக்கா, இப்போது ‘பாய்சன் பேபி’ மூலம் மீண்டும் தன் பழைய ஃபார்முக்கு வந்துவிட்டார். மலைக்கா தான் பாய்சன் பேபி என்ற பெயருக்கு ஏற்ற மாதிரி திரையில் கலக்கியிருக்கிறார்.

அதுவும் மட்டும் இல்லாமல் — இந்தப் பாடலில் நடிகை ராஷ்மிகா மந்தனாவும் சிவப்பு புடவையில் தீப்பொறி கிளப்பும் வகையில் ஆட்டம் போட்டுள்ளார். இதனால் ரசிகர்கள் இரண்டு தரப்பாக பிரிந்து விவாதத்தில் இறங்கியுள்ளனர்.

சிலர் “பாலிவுட்டில் ராஷ்மிகா கவர்ச்சி ஆட்டம் போடுறாங்க, கோலிவுட்டில் ஹோம்லி ஹீரோயினா மாதிரி நடிக்குறாங்க — இது என்ன டபுள் ஆக்டிங்களாம்?” என்று கடுமையாக விமர்சிக்கிறார்கள்.

ஆனால் ரசிகர்கள் பலர் இதை “பாலிவுட் ஸ்டைலில் ராஷ்மிகா ஒரு புதிய முயற்சி” என்று பாராட்டுகின்றனர்.

ஆயுஷ்மான் குரானா – ராஷ்மிகா மந்தனா ஜோடியாக நடிக்கும் ‘தம்மா’ திரைப்படம் திகில், நகைச்சுவை, காதல் கலந்த ஒரு எண்டர்டெய்னராக உருவாகி வருகிறது. நவாசுதீன் சித்திக் மற்றும் பரேஷ் ராவல் முக்கிய கதாபாத்திரங்களில் நடிக்க, மடோக் பிலிம்ஸ் தயாரிப்பில் இப்படம் வெளிவருகிறது.

வருகிற அக்டோபர் 21-ம் தேதி தீபாவளி பண்டிகையை முன்னிட்டு ‘தம்மா’ திரைக்கு வர உள்ளது. ‘பாய்சன் பேபி’ பாடலால் ஏற்கனவே ரசிகர்களை மயக்கிய இப்படம், வசூல் ரீதியாகவும் வெடிக்கும் என எதிர்பார்க்கப்படுகிறது.