இனிப்பு சுவையும், குளிர்ச்சி தன்மையையும் தன்னகத்தே கொண்ட துத்தி இலை, அழற்சியை சரி செய்கிறது. மலக்கட்டு, ஆசனவாய் எரிச்சல் போன்ற பிரச்சனைகளையும் சரி செய்கிறது. நோய்களை களைந்து, கருமேகம் மற்றும் உடல் சூடு போன்ற பிரச்சனைகளை சரி செய்கிறது. சிறுநீரை அதிகளவு வெளியேற்றி உடலை பாதுகாக்கிறது.

துத்தி பூ இரத்த போக்கை குறைகிறது. காமத்தை அதிகரிக்கிறது. இருமல் பிரச்சனையை சரி செய்கிறது. ஆண்மையை அதிகரித்து, உடலின் குளிர்ச்சியை பாதுகாக்கிறது. இதனைப்போன்று வெள்ளைப்படுதல் மற்றும் கரும்புள்ளி பிரச்சனையையும் சரி செய்கிறது. 

துத்தி இலையின் பூ, விதை, வேர், பட்டை போன்றவை பல மருத்துவ குணங்களை கொண்டுள்ளது. துத்தியில் பசும் துத்தி, பெருந்துத்தி, பணியாரதுத்தி, கருந்துத்தி, நிலத்துத்தி என பல வகைகள் இருக்கிறது. துத்தி இலையை விளக்கெண்ணெய் விட்டு வதக்கி பவுத்திரம், ஆசனவாய் கடுப்பு ஆகியவற்றின் மீது வைத்து கட்டினால் அப்பிரச்சனை சரியாகும்.

துத்தி இலைச்சாறுடன் மஞ்சள் தூளை சிறிதளவு சேர்த்து, புண்கள் உள்ள இடத்தில் பூசி வந்தால் புண்கள் குணமாகும். வெள்ளைப்படுதல் பிரச்சனை சரியாக துத்தி இலையை நெய்யில் வதக்கி சாப்பிடலாம்.

20 மில்லி துத்தி பூ சாறுடன் சிறிதளவு கற்கண்டு சேர்த்து சாப்பிட்டு வந்தால் இரத்த வாந்தி கட்டுக்குள் இருக்கும். துத்தி பூவை உலர்த்தி தூளாக்கி பாலில் சேர்த்து குடித்து வந்தால் உடல் சூடு குறையும். 

Tamil online news Today News in Tamil