தென்காசி மாவட்டத்தில் உள்ள வீரகேரளம்புதூர் மற்றும் கடையநல்லூர் அரசு மருத்துவமனைகளில் உள்ள யோகா மற்றும் இயற்கை மருத்துவ நலவாழ்வு மையங்களில் கலியாகவுள்ள ஆலோசகர் மற்றும் உதவியாளர் பணியிடங்களுக்கு விண்ணப்பங்கள் வரவேற்கப்படுகிறது. 

கல்வித்தகுதி: ஆலோசகர் பணிக்கு தமிழ்நாடு இந்திய மருத்துவ வாரியம்/TSMC/TNHMC போன்ற மாநில கவுன்சிலால் அங்கீகரிக்கப்பட்ட அரசு அல்லது அரசு அங்கீகரிக்கப்பட்ட தனியார் நிறுவனங்களிலிருந்து Bachelor of Naturopathy and Yogic Sceinces கல்வித்தகுதி பெற்றிருக்க வேண்டும். 

தமிழ்நாடு இந்திய மருத்துவ வாரியம்/TSMC/TNHMC போன்ற மாநில கவுன்சிலில் பதிவு செய்திருக்க வேண்டும்.

மேலும், உதவியாளர் பணிக்கு எட்டாம் வகுப்பு தேர்ச்சி பெற்றிருக்க வேண்டும்.

சம்பளம்: தகுதியான நபர்களுக்கு ரூ.10,000 முதல் ரூ.40,000 வரை சம்பளம் வழங்கப்படும்.

விண்ணப்பிக்கும் முறை: விண்ணப்பதாரர்கள் தங்கள் விண்ணப்ப படிவங்களை மாவட்ட இணையதளத்தில் (https://tenkasi.nic.in/notice_category/recruitment/ ) பதிவிறக்கம் செய்து கொள்ளலாம்.

இந்த விண்ணப்ப படிவத்தை நிரப்பி 20.08.2025 அன்று மாலை 5 மணிக்குள் நேரிலோ / தபால் மூலமாகவோ மாவட்ட சுகாதார அலுவலர் அலுவலகம், (மாவட்ட ஆட்சித் தலைவர் அலுவலக வளாகம்), தென்காசி- 627811 என்ற அலுவலக முகவரியில் சமர்ப்பிக்க வேண்டும்.