2026ஆம் ஆண்டின் தொடக்கத்திலேயே தமிழ் திரையுலகில் சில ஹீரோயின்கள் தங்களது நடிப்பு, கவர்ச்சி மற்றும் சமூக வலைதள தாக்கத்தால் ட்ரெண்டிங்கில் முன்னிலையில் உள்ளனர். ரசிகர்கள் மத்தியில் அதிக கவனம் பெற்றுள்ள சில நடிகைகள் குறித்து பார்க்கலாம்.

1. ஸ்ரீலிலா

தமிழ், தெலுங்கு, கன்னடம் ஆகிய மொழிகளில் நடித்து வரும் ஸ்ரீலிலா, 2K கிட்ஸ் மத்தியில் பெரும் வரவேற்பைப் பெற்றுள்ளார். பராசக்தி திரைப்படத்தின் மூலம் தமிழ் திரையுலகில் காலடி வைத்த அவர், தெலுங்கில் வெளியான குண்டூர் காரம் படத்தின் “குறி மடத்தப்பெட்டி” பாடல் மூலம் அதிகமாக பிரபலமானார். இன்ஸ்டாகிராமில் 14 மில்லியனுக்கும் அதிகமான பின்தொடர்பவர்கள் உள்ளனர். இளம் ரசிகர்கள் மத்தியில் தற்போது ட்ரெண்டிங் ஹீரோயினாக பேசப்படுகிறார்.

2. கீர்த்தி ஷெட்டி

உப்பென்னா படத்தின் மூலம் திரையுலகில் அறிமுகமான கீர்த்தி ஷெட்டி, தமிழில் சூர்யா நடித்த வணங்கான் திரைப்படம் மூலம் கவனம் பெற்றார். இளம் ரசிகர்கள் மத்தியில் இவருக்கும் தனி ரசிகர் பட்டாளம் உள்ளது. இன்ஸ்டாகிராமில் 8 மில்லியனுக்கும் மேற்பட்ட பின்தொடர்பவர்கள் கொண்டுள்ளார்.

3. பிரியங்கா அருள் மோகன்

தமிழில் சிவகார்த்திகேயன் நடித்த டாக்டர் படத்தின் மூலம் பிரபலமான பிரியங்கா அருள் மோகன், எளிமையான நடிப்பாலும் அழகாலும் ரசிகர்களின் மனதில் இடம்பிடித்தார். தொடர்ந்து முன்னணி ஹீரோக்களுடன் நடித்துவரும் அவர், 2K கிட்ஸ் மத்தியில் மிகவும் பிரபலமானவர்களில் ஒருவர். இன்ஸ்டாகிராமில் 6 மில்லியனுக்கும் மேற்பட்ட பின்தொடர்பவர்கள் உள்ளனர்.

4. அம்ரிதா ஐயர்

தமிழ் ரசிகர்களிடையே வேகமாக பிரபலமாகி வரும் அம்ரிதா ஐயர், சமீபத்தில் “பூட்டி வச்ச குதிரை…” போன்ற பாடல்களின் மூலம் மீண்டும் கவனம் பெற்றுள்ளார். அவருடைய நடனமும் திரை முன்னிலையும் ரசிகர்களை கவர்ந்துள்ளது. இன்ஸ்டாகிராமில் 4 மில்லியனுக்கும் அதிகமான பின்தொடர்பவர்கள் உள்ளனர்.

மொத்தத்தில், சமூக வலைதள ஆதரவு, பாடல் ஹிட்ஸ், இளம் ரசிகர்கள் ஆதரவு ஆகியவை 2026 தொடக்கத்தில் இந்த ஹீரோயின்களை ட்ரெண்டிங்கில் வைத்துள்ளன. வரும் மாதங்களில் வெளியாகும் புதிய படங்கள் இவர்களின் நிலையை மேலும் வலுப்படுத்துமா என்பது ரசிகர்கள் எதிர்பார்க்கும் கேள்வியாக உள்ளது.