சூப்பர் ஸ்டார் ரஜினிகாந்த் நடிப்பில், இயக்குநர் சிபி சக்கரவர்த்தி இயக்கும் ‘ரஜினி 173’ திரைப்படத்தின் படப்பிடிப்பு வரும் ஏப்ரல் மாதம் பாதியில் தொடங்கவுள்ளது. இதனை இயக்குநர் சிபி சக்கரவர்த்தி சமீபத்திய ஒரு நிகழ்ச்சியில் அதிகாரப்பூர்வமாக அறிவித்துள்ளார்.

“ரஜினிகாந்த் சாருக்கு ‘ஆக்ஷன்’, ‘கட்’ சொல்ல தயாராக இருக்கிறேன். இது முழுக்க முழுக்க ஒரு பக்கா கமர்ஷியல் எண்டர்டெய்னர் ஆக இருக்கும்” என்று அவர் தெரிவித்தார். இந்த படம் 2027 பொங்கலை முன்னிட்டு திரைக்கு கொண்டு வரப்படும் என திட்டமிடப்பட்டுள்ளது.

‘ரஜினி 173’ படத்தை கமல்ஹாசனின் ராஜ்கமல் பிலிம்ஸ் இன்டர்நேஷனல் (RKFI) நிறுவனம் பிரம்மாண்டமாக தயாரிக்கிறது. இசையமைப்பாளராக அனிருத் இணைந்துள்ளார். ஏற்கனவே ரஜினி–அனிருத் கூட்டணி பல ஹிட்களை கொடுத்துள்ளதால், இசைக்கும் எதிர்பார்ப்பு அதிகரித்துள்ளது.

இந்த படத்தில் ரஜினிகாந்தின் மகனாக மலையாள நடிகர் பசில் ஜோசப் நடிக்கலாம் என்ற தகவல்கள் வெளியாகியுள்ளன. இருப்பினும் இதுகுறித்த அதிகாரப்பூர்வ அறிவிப்பு இன்னும் வெளியாகவில்லை.

‘ரஜினி 173’ மட்டும் அல்லாமல், ரஜினியின் கால்ஷீட் 2027 வரை நிரம்பி இருப்பதாக கூறப்படுகிறது. நெல்சன் இயக்கத்தில் உருவாகி வரும் படம் தற்போது இறுதிக்கட்ட பணிகளில் உள்ளது. முதலில் ஜூன் 2026-ல் வெளியாகும் என கூறப்பட்டாலும், தற்போது ஆகஸ்ட் 2026 ரிலீஸ் என தகவல்கள் தெரிவிக்கின்றன.

மேலும், ரெட் ஜெயண்ட் மூவிஸ் தயாரிப்பில் நெல்சன் இயக்கவுள்ள புதிய படத்தில் ரஜினியும் கமல்ஹாசனும் இணைந்து நடிக்கவுள்ளதாகவும் கூறப்படுகிறது. இதற்கான புரோமோ சமீபத்தில் வெளியாகி சமூக வலைதளங்களில் ட்ரெண்டிங்கில் உள்ளது.

“ஒவ்வொரு குடும்பத்திலும் ஒரு ஹீரோ உண்டு” என்ற டேக்லைனுடன் உருவாகும் ‘ரஜினி 173’, தலைவர் ரசிகர்களுக்கு ஒரு முழுமையான கமர்ஷியல் விருந்தாக அமையும் என எதிர்பார்க்கப்படுகிறது. ஏப்ரலில் படப்பிடிப்பு தொடங்க உள்ள நிலையில், அடுத்தடுத்த அறிவிப்புகளை ரசிகர்கள் ஆவலுடன் எதிர்நோக்கி உள்ளனர்.